sábado, 17 de noviembre de 2018

actividade especial do CMB Vintedouspés 17, 18. 19 de maio do 2019 por Ancares


o Club de Montaña do Barbanza Vintedouspés organiza 3 días de sendeirismo por OS ANCARES. Esta é unha actividade especial do Club para os días 17, 18 e 19 de maio do 2019. Xa sabemos que falta moito, pero por cuestións de disponibilidade hai que reservar con tempo.

Aloxarémonos no Hotel Piornedo (Piornedo-Lugo). O aloxamento é en habitación dobre, quen non teña compañeiro, amigo ou parella o club pode propoñer distribución das habitacións, se hai quen queira habitación individual pode reservar pola súa conta.

Está previsto realizar as seguintes rutas:

Venres 17 Refuxio Ancares-Tres bispos-Cabanavella.

Sábado 18 Porto Ancares-Cuiña-Penalonga-Mustallar-pico lagos-piornedo

Domingo 19 Porto Ancares-Miravalles-Balouta. De volta para o Barbanza se da tempo daremos un paseo polo bosque dos Grobos en Becerreá (bosque kárstico moi raro de atopar en Galicia).

Dependendo dunha serie de factores estas rutas poden ser cambiadas por outras se o club o considera convinte.

 

Quedamos en Boiro ás 7.40 horas para sair ás 7.45 horas, outros puntos de encontro: ás 8 antes de entrar na autoestrada en Padrón con dirección a Santiago, ás 9.45 estación de servicio O Corgo na A-6 ou ás 11 no refuxio Ancares, cerca de Campa da Braña.



Gastos da viaxe por persoa:

- 2 noites no aloxamento antes mencionado 60 €.

- 2 medias pensións (venres e sábado) 40 €.

-Non federados: seguro para 3 días.



 Para apuntarse nesta viaxe:

 - Hai que ingresar por persoa na conta do club ES2520800310553000121101 (Abanca), deixando constancia no ingreso o nome da persoa inscrita:

              100 € socios do club.

              110 € federados doutro club.

              115 € non federados (faráselles un seguro).



- Mandar un correo electrónico indicando que se fixo o ingreso para viaxe de OS ANCARES, nome, apelidos, teléfono e indicando con quen vai durmir ou con quen lle asigne o club e tipo de cama (matrimonio ou xemelgas).



-Cubrir formulario


Prazo: ata o 5 de febreiro so poden apuntarse socios do club, despois -se sobran prazas- ábrese o prazo a nos socios ata o 15 de febreiro. As prazas son limitadas reservarase por orde de inscrición. Se podes non deixes para o final a inscrición pois igual cúbrense as prazas antes e así podemos ir confirmando a reserva co aloxamento.

O desprazamento se fará en coches particulares e cada un mira con quen vai, compartindo gastos, se hai quen non ten con quen ir pode contactar con nos.

Cada un ten que levar a comida (tipo bocadillo ou similar, froitos secos e/ou barriñas enerxéticas) para as rutas do venres, sábado e domingo. Hai que levar auga para as rutas e calzado axeitado para andar por montaña.

Por cuestións das reservas no caso de apuntarse e ao final non poder ir so se devolverán os cartos das ceas, sempre que se avise con 3 días de antelación. Excepto si se anula por unha causa de forza maior e hai persoas de reserva que ocupen o seu sitio, nese caso excepcional devolverase a totalidade.

Se te inscribes estate atento ao blog e o xoves 16 de maio pola tarde revisa por se hai algún cambio de última hora.



Información das rutas:

Albergue Ancares Tres bispos Cabanavella.

Partimos do Refuxio dos Ancares, situado a unha altitude de 1420 metros, seguimos pola pista, ao comenzo asfaltada, ata chegar a unha bifurcación. Continuamos pola pista da esquerda que vai paulatinamente ascendiendo entre paisaxe aberta de monte baixo.

Ao pouco tempo pasamos por unha fonte, comenzan a aparecer as primeiras árbores. Chegamos á Campa de Ortigoso, primeiro punto de referencia.

Continuamos o camiño en ascenso moderado ata chegar á Campa do Tres Bispos, con vistas aos picos: Tres Bispos, Penedois, Charcos, Corno Maldito, Lanza e Mostallar. Á dereita veremos o inconfundible perfil do Penarrubia.

Desde a campa comenzamos o ascenso por un sendeiro ata chegar á base do pico. Aquí comenza a dura subida final que nos conduce ao cume do Tres Bispos, cos seus 1792 metros. A paisaxe especial: á esquerda os principales picos da serra; de frente a lagoa de As Charcas onde nace o río Porcarizas xunto á Cabana de Pérez; e á dereita a maravillosa Vega dos Boyes que nos dirixe a Porcarizas e ao Campo de Agua, xa en terras leonesas. O nombre de Tres Bispos, conta a lenda, que lle foi dado por ser lugar de reunión dos bispos das tres diócesis limítrofes de Astorga, León e Lugo.

Descendemos ata a Campa de Brego desde a Campa de Traba. Desde ali e por unha pista e en medio dun bosque de Acivos subimos de novo a Albergue Ancares por Cabanavella (descrición feita por Chuchi00).  Sobre 17,5 km, desnivel acumulado de subida 659 m, desnivel acumulado de subida 659 m, duración estimada 6 h., dificultade media alta.

Porto Ancares Cuiña Penalonga Mustallar pico Lagos Piornedo.

Saida desde o porto de Ancares, iremos bastante do percorrido polo cordal de Ancares, iremos pasando primeiro polo Cuiña, teito de Ancares con 1.987 metros, seguindo logo a Penalonga e tras baixar á Mallada de Mustallar, subiremos este pico que con 1.934 metros de altitud é o teito da provincia de Lugo e seguiremos polo cordal ata o pico Lagos. Logo de baixar de novo ata a Mallada de Mustallar collemos o camino que nos leva a Piornedo. Sobre 15 km, desnivel acumulado de subida 770 m, desnivel acumulado de baixada 1350 m, duración estimada 6 h., dificultade media alta.

Porto Ancares Miravalles Balouta.

Tratase sen dúbida dunha das rutas máis fermosas de alta montaña que se poden realizar en ancares, nela podremos ascender ao segundo pico máis elevado da sierra: o Miravalles, con 1969 metros de altitud.

Se poidéramos describila con duas palabras diríamos que toda ela é un espectáculo visual: gran parte do  percorrido discurre pola línea de cumbres desde a que podemos contemplar “a vista de paxaro” extraordinarias paisaxes a ambos lados da montaña, divisando os vales de Ancares e de Balouta na zona leonesa, o val de Rao en lugo, as montañas máis elevadas do Bierzo e os lonxanos pobos de Tormaleo e Villares no concello de Ibias en Asturias.

Por último, teremos a ocasión de visitar un dos últimos pobos de Ancares que ainda conservan as tradicionais pallozas: Balouta, cunha bonita paisaxe rodeado de montañas e situado no fondo dun antigo val glaciar (descrición feita por Club Acivro). Sobre 10,2 km, desnivel acumulado de subida 437 m, desnivel acumulado de baixada 968 m, duración estimada 4 h. e media, dificultade media.

Relación de inscritos
1.-Lita
2.-Anxo
3.-Viru
4.-Moncho
5.-Fita

martes, 16 de octubre de 2018

A próxima ruta do CMB Vintedouspés será o 18 de Novembro: Castro de Doade e comida Cocido de Lalín


18 de Novembro: RUTA de senderismo Castro de Doade e comida Cocido de Lalín e postres caseiros en Restourante Casa do Patrón.
Puntos de encontro as 8:00 saída da Casa da Cultura de Boiro, ás 8:15 na rotonda de Catoira (xunta a gasolineira Repsol) , chegada a Restaurante Casa do Patrón sobre as 9:20 desde onde comenzamola ruta.

Esta ruta está rexistrada pola Federación Galega  de Montañismo co número PR-G210
É unha ruta circular de aproximadamente 14km. Cunha duración estimada de 4horas.
Atopamos nesta andaina unha antiga rede de camiños A Via da Prata a Compostela, a igrexa románica de San Xoan de Vilanova, o roble monumental de Soutolongo, moiños e pontellas, así como carballeiras e camiños que acompañan as eixes dos ríos Asneiro e Lebozán.
Unha ruta fácil e agradable que  remata co famoso cocido de Lalín no restaurante Museo  Casa do Patrón, e os seus postres caseiros típicos da zona.
Logo, despois da comida podemos visitar o Museo Casa do Patron (con mais de 4.500 pezas de exposición), a Sala de Arqueoloxía do Castro de Doade e a Casa Castrexa.

PREZO: 20 euros por persoa.

Poden vir non socios á comida. Tamén se pode vir á ruta e non quedar para a comida nin para a visita os museos, nese caso non se pagará nada.

Para anotarse á comida hai de prazo ata o 5 de novembro, hai que ingresar na conta do CMB Vintedouspés 20 € por persoa:

ES2520800310553000121101 (Abanca) e mandar comprobante de pago ó correo electrónico  vintedouspes@gmail, ou chamar ó teléfono: 615637227 ou 616523902.

Os que se anoten deberán estar atentos ao blog por se hai algún cambio de última hora o sábado 17 pola tarde.

Inscritos:
1. Anxo
2. Viru
3. Lita
4. Berta
5. Moncho
6. Concha
7. Loren
8. Mandi
9. Mª José
10. Mario
11. Alba
12. Fita
13. Moncho
14. Eduardo
15. Conchi
16. Ana García
17. Javier
18. Chus
19. Eva
20. Marita
21. Manolo
22. Dolores Oliveira
23. Miguel Ignacio
24. Carmen
25. Mila Creo
26. Pilar Oliveira
27. Loli Moledo
28. Pilar Nieto
29. Montse
30. Paco
31. Asun
32. María
33- Nati
34. Pi8lar Burke
35. Moncho
36. Rosa


domingo, 12 de agosto de 2018

San Xoan da Cova (Vedra) o 2 de setembro



Esta ruta discorre pola marxe dereita do río Ulla, aproveitando camiños de paso, sendas de pescadores e sendeiros xa marcados.
Distancia: 12,3 km
Tempo: 3 h e media
Dificultade: baixa
Punto de saída miradoiro de Gundián, punto de chegada: área recreativa de Cubelas

O inicio da ruta localízase no miradoiro do Gundián, a uns 100 metros sobre o nivel do río, que permite unha visión incomparable do Ulla estreitándose no Paso da Cova, baixo a ponte do ferrocarril, e continuando logo o seu percorrido ata perderse ao lonxe. Dende aquí a ruta baixa, como non podía ser doutro xeito, paralela ao río e cruza o lugar da Ponte Ulla. A pouca distancia atopamos no noso camiño un muíño de singulares características, o muíño de Reboredo, provisto de cinco moas: unha para o xofre, unha albeira só para trigo, e outras tres para outros cereais.
A seguinte parada é na área de recreo de Agronovo, en terras de Santa Cruz de Ribadulla, onde se pode descansar un anaco para repoñer forzas. Durante as fins de semana de xullo e agosto é posible alugar unha piragua ou unha barca típica do Ulla para dar un paseo polo río. Continuamos outro pouco ata chegar á área de recreo do Coto de Ximonde, en San Miguel de Sarandón, un dos cotos de salmón máis importantes de Galicia, convertido hoxe nunha estación ictiolóxica de cría e reprodución. Máis adiante agárdanos a área de recreo de Cubelas, en San Pedro de Sarandón, que pon o punto e final a este fermoso percorrido polo Ulla. (información facilitada polo Concello de Santiago-Turismo).

Ao chegar a un viveiro de plantas, principalmentes arces xaponeses visitamos un pequeno museo adicado á pesca no Ulla.


Neste enlace de Wikiloc está o track da ruta (non está posta polo noso club en Wikiloc ao xa estar outras colgadas) https://es.wikiloc.com/rutas-senderismo/p-r-g-36-ruta-de-san-xoan-da-cova-12053657


























domingo, 8 de julio de 2018

12 de agosto por Taragoña e río Te



O domingo 12 de agosto o CMB Vintedouspés fará a ruta Campo Maneiro - río Te

Puntos de encontro ás 8 e cuarto diante da Casa da Cultura de Boiro é ás 8 e media en Campo Maneiro.
Sairemos de Campo Maneiro (Taragoña-Rianxo) hacia o camiño dos difuntos dende o cal subiremos o castro baixaremos polo camiño de corques direccion o rio te.
Iremos polo rio hacia Te e seguiremos polo beira do mar ata Bealo despois a Paradela e de volta ata Campo Maneiro total 15 km
15 km, dificultade media











Neste enlace de Wikiloc está o track da ruta https://es.wikiloc.com/rutas-senderismo/taragona-rio-te-27501710

martes, 3 de julio de 2018

30 de setembro andaina de 25 km por Rianxo








30 de setembro  II andaina de 25 km do Barbanza,  por Rianxo, está incluida no V Open Andainas de Regularidade de Galicia.


Andaina 25 km

Dificultade Media

Duración estimada 5 h. 
Esta andaina iniciámola na Área Recreativa de Campo Maneiro, na parroquia de Taragoña. Os primeiros pasos darémolos cara a o Castro Barbudo, onde podemos ver unha panorámica da Ría de Arousa.

O percorrido continúa ata Ourille, onde se inicia un descenso que nos levará ata o lugar da Ferrería. Durante o descenso atoparemos o primerio punto de avituallamento. Desde aquí diriximonos ao lugar da Hermida, punto onde iniaceremos unha das zonas mais bonitas da andaina,  o descenso pola beira do Río Té, ata chegar a Praia da Torre.

Desde alí, e a través dun sendeiro que percorre o litoral da Ría de Arousa, chegamos a Burata, onde iniciamos unha subida que, pasando por Paradela, nos levará o punto final da andaina, situado no Área Recreativa de Campo Maneiro.

Andaina 15 km

Dificultade Media

Duración estimada 3 h.

Este percorrido coincide no seu inicio ca andaina de 25 km, concretamente ata chegar a Ourille.

Sairemos de Campo Maneiro (Taragoña-Rianxo) hacia o camiño dos difuntos dende o cal subiremos o castro Barbudo, baixaremos polo camiño de Corques en direccion ao rio Te.

Iremos polo rio hacia Te e seguiremos polo beira do mar o Porto de Taragoña, continuamos ata cerca de Ponte Beluso despois a Paradela e de volta ata Campo Maneiro.

 Entidades colaboradoras:


 

 

DISTEVA

Praza Rafael Dieste (Rianxo)





RIANXO






Taragoña (Rianxo)


Piscina climatizada de Rianxo