domingo, 15 de diciembre de 2019
Ruta do 29 de decembro, Moldes, rego de Loberias, A Curota, e próximas rutas previstas
Ruta do Club de Montaña do Barbanza Vintedouspés o domingo 29 de decembro, Moldes, rego de Loberias, A Curota. Circular, so para federados, dificultade media, distancia sobre 15 km, duración estimada sobre 4 horas e media, o desnivel acumulado na ruta é arredor de 500 metros subindo e o mesmo baixando.
(ubicación https://goo.gl/maps/qYPoApw6cekbAZyN8).
Empezamos a andar desde o cruceiro de Moldes, facendo o primeiro quilómetro por asfalto en dirección a Palmeira, os cinco primeiros quilómetros aproximadamente son con pequenos desniveles, pasamos cerca do cámping Ria de Arousa II, imos un rato paralelos ao rego das Lobeiras, e empezamos unha ascensión de arredor de cinco quilómetros ata o alto da Curota (o desnivel superado nesa ascensión será arredor de 350 metros de altitude) e a partir de aí todo baixar ata o cruceiro de Moldes, pasando polo miradoiro de Valle Inclán.
Neste enlace está o track da ruta https://es.wikiloc.com/rutas-senderismo/moldes-rego-de-lobeiras-cascada-curota-44960814?fbclid=IwAR0K1MTZdCkLuQwdcSfDRi-Uri5NeierBax1jllpvTO8fpzFZ1VElpUGmfg
licenza federativa 2020
Licenza
federativa no ano 2020, se queres tramitar a licenza a través do Club de
Montaña do Barbanza Vintedouspés hai que:
1.- Escoller
a modalidade que che interesa Os prezos das licenzas federativas para o ano
2020 están neste enlace https://fedgalmon.gal/wp-content/uploads/2019/12/2Prezos-de-Licencias-2020.pdf
2.- Ingresar a cantidade que corresponde + 12
€ a maiores por cota anual do Club de Montaña do Barbanza Vintedouspés, nº de
conta ES2520800310553000121101 (Abanca). En
concepto indicar nome, apelidos e a modalidade escollida.
A modo de exemplo:
-Un adulto que escolla a modalidade A con
ámbito territorial España, Portugal, Pirineo francés, Andorra e Marrocos que
inclue Excursionismo, Campamentos, Marchas e Sendeirismo, Marcha Nórdica (Sen
incluir a Alta Montaña) tería que pagar en total ao ano 84 € (nesos 84 vai
incluida cota do club).
-Un adulto
que escolla a modalidade B con ámbito territorial España, Portugal, Pirineo
francés, Andorra e Marrocos que inclue Excursionismo, Campamentos, Marchas,
Sendeirismo, Rocódromo, Alpinismo, Montaña e Alta Montaña, Escalada, Barrancos,
Carreiras por Montaña, Espeleoloxía, Raquetas de Neve, Esquí de Montaña,
Canicross, Snow Montaña, Marcha Nordica, Splitboard e Vías Ferratas tería que
pagar en total ao ano 88 € (nesos 88 vai incluida cota do club).
-Un adulto
que escolla a modalidade AU terá de ámbito territorial Galicia, as disciplinas
da modalidade B, tería que pagar en total ao ano 65 € (nesos 65 vai incluida
cota do club)
3.- Cubrir formulario neste enlace
https://forms.gle/WgWcYfcb6yTNDMtS8
3.- Cubrir formulario neste enlace
https://forms.gle/WgWcYfcb6yTNDMtS8
////////////////////////////////////////////////
Estar federado dáche dereito a:
Participar
con preferencia nas actividades federativas (FGM/FEDME)
Participar
nos cursos da Escola Galega de Alta Montaña (EGAM)
Axudas
económicas nalgunhas actividades federativas de ámbito galego, estatal e
internacional
Usar os
refuxios galegos e os que teñan convenio
Prezos moi
reducidos nos refuxios galegos
Comunicacións
periódicas
Calendario
de actividades
Participar
en actividades divulgativas
Competicións
oficiais de escalada e carreiras por montaña
Tódalas
vantaxes de pertencer á Federación Española FEDME: www.ventajasfedme.es
As licenzas son válidas por ano natural. Tódalas licenzas caducan o 31 de decembro.
No caso de accidente
Información
concerniente a tódalas aseguradoras:
Calquera
accidentado ten a obriga de chamar a Federación para cumplimentar un Parte de
Accidente coa maior brevidade posible.
Calquera
accidentado ten obriga de cumprimentar un Parte de Accidente e remitilo á
Federación coa maior brevidade.
Pasos a
seguir no caso de accidente deportivo e centros concertados: Guía de Urgencias
Federaciones Deportivas
No Caso de:
ACCIDENTE
DEPORTIVO CON RESCATE
Se o
accidente é grave (emerxencias e urxencias) e deben evacualo dalgunha zona,
debe avisar aos grupos de rescate de onde se atope. O número de emerxencias en
España é o 112. Infórmese do número de emerxencias se viaxa ao estranxeiro.
Deberán desprazalo ao Hospital máis achegado. O antes posible, deberá comunicar
o accidente á Federación Galega de Montañismo, onde lle explicarán os seguintes
pasos a facer para cumprimetar o parte de accidente, e valorar o desprazamento
a un centro concertado pola Aseguradora se fose posible e necesario.
ACCIDENTE
DEPORTIVO SEN RESCATE
Se o
accidente non necesita rescate, pero é grave (urxencias), debe ir a un centro
de Urxencias, e indicar dende o primeiro momento que se trata dun accidente na
práctica deportiva e que está federado. En canto sexa posible, debe poñerse en
contacto coa Federación Galega de Montañismo para que lle expliquen cómo
cumprimentar o parte de accidente, e indiquen os seguintes pasos a seguir.
Se o
accidente non é grave (non urxencias) debe poñerse en contacto coa Federación
Galega de Montañismo canto antes, para que lle expliquen os pasos a seguir para
poder acudir a un centro concertado e que o atendan.
Lembre que
sempre debe conservar toda a documentación que lle entreguen, por se lla
solicita a entidade aseguradora.
Neste enlace está a información da Federación ao respecto das licenzas https://fedgalmon.gal/licenza/
Coberturas da póliza https://fedgalmon.gal/wp-content/uploads/2019/01/POLIZA-F.G.M.-2017.pdf
martes, 3 de diciembre de 2019
asemblea de socios/as o sábado 14 de decembro
Estimado/a socio/a:
O Club de Montaña do Barbanza Vintedouspés convoca a tódolos socios/as para a celebración da asemblea ordinaria que terá lugar o sábado 14 de decembro ás 6 e media da tarde en primeira convocatoria e ás 7 en segunda convocatoria na Casa da Cultura de Boiro.
Orde do día
1-aprobación da acta da asemblea anterior
2-aprobación das contas
3-Elección de presidente e xunta directiva
4-Valoración da marcha do club ao longo do 2019
5-Programación de rutas e actividades para o ano 2020
5-Rogos e preguntas
Se desexas presentarte á directiva ou a presidente e presentar una lista propia de xunta directiva envía un email a vintedouspes@gmail.com antes do 13 de decembro, indicándoo.
Un cordial saúdo da directiva do Club de Montaña do Barbanza Vintedouspés
Notas:
-a asemblea empezará ás 7 da tarde pois ás 6 e media (1ª convocatoria) non haberá quórum.
-Da directiva actual hai algunha persoa que avisou de que no vai continuar polo que sería bo que algún socio/algunha socia se animara a presentarse.
lunes, 28 de octubre de 2019
19 DE XANEIRO. RUTA DA AUGA (GUITIRIZ).
Saida do lugar de Ponte de Santo Alberto (Parga-Guitiriz, Coordenadas- UTM: 29T X:598225
Y:4780850), lonxitude 19,6km,
dificultade fácil, duración estimada da ruta 6 horas. A ruta é lineal.
Información
da ruta facilitada por Turgalicia:
A Ruta da
Auga de Guitiriz é un percorrido sen desniveis que, á beira dos ríos Parga e
Ladroil, percorre o verde camiño que se estende dende a ponte de Santo Alberto
ata a Carballeira de Pardiñas.
Os lugares,
historia e construcións, farán del un camiño moi recomendable: as pontes de
Santo Alberto no Camiño Xacobeo do Norte, a ponte de Pitero, as de Parga,
Ferreira, Montemeá ou Moeiro; multitude de muíños, coma os restaurados de Parga
e Ferreira; as áreas de lecer coma a de Sete Muíños; a antiga mansión romana de
Caranicum; o Castelo e a Feira de Parga; as igrexas, capelas e a curiosa
mesquita de Guitiriz;...
miércoles, 23 de octubre de 2019
Domingo 3 de novembro San Tirso de Cando-pedra Serpal-Carballoso-Xallas-Tambre (Outes)
Neste enlace está a ubicación do punto de inicio https://goo.gl/maps/N6By6HfZoV3cZUn78
Dificultade media, 19 km.
PERCORRIDO: Saida da igrexa de San Tirso de Cando, empezamos ascendendo cara o alto do Castelo e a Pedra Serpal (impresionante pedra con vistas espectaculares da devesa de Nimo, o Tambre e a ría de Muros e Noia), a continuación fomos a San Xoan do Carballoso e á súa fonte milagreira, baixamos polo Xallas cara o Tambre, cruzamos a ponte colgante e pasamos por diante do Pazo do Tambre voltando ao punto de inicio.
Collimos de referencia unha ruta de Manolo de Negreira (o bailarín camiñante) e lle fixemos unha variante, neste enlace está a nosa ruta feita https://es.wikiloc.com/rutas-senderismo/san-tirso-de-cando-pedra-serpal-carballoso-xallas-tambre-outes-43295087
Suscribirse a:
Entradas (Atom)