para facerse socio e da cota do 2015

Para facerse socio/a do club deberás mandar un email indicando que queres facerte socio co teu nome, apelidos, teléfono e dirección de correo electrónico a vintedouspes@gmail.com e ingresar 10 € de cota anual na conta do club en Abanca ES2520800310553000121101. Senón podes dese xeito tamén podes pagar a cota nunha das saídas de Vintedouspés.

Os que xa son socios teñen ata o 16 de febreiro para pagar a cota do 2015.

licenzas federativas 2015

Quen desexe ter licenza federativa no ano 2015 debe:

- Escoller a modalidade que che interesa (ver cadro que hai a continuación).

- Ingresar a cantidade que corresponde + 10 € a maiores por cota anual do Club de Montaña do Barbanza Vintedouspés, nº de conta ES2520800310553000121101 (Abanca). En concepto indicar nome, apelidos e a modalidade escollida.

- Enviar un email a vintedouspes@gmail.com cos teus datos: nome e apelidos, enderezo, email, teléfono, data de nacemento e nº de DNI.

Damos de prazo ata o luns 9 de febreiro.

Se tes algunha dúbida podes preguntarnos por email ou teléfono.

Estes son os prezos das licenzas federativas para o ano 2015

Neste enlace da Federación Galega de Montañismo ven máis información (a que da dereito estar federado, coberturas,...) http://fgmontanismo.es/licenza/

sábado 27 de decembro pola tarde ruta apta para nenos

Día: 27 sábado. Hora:15 h. Remate: sobre 18,30h. Lugar: Capela de San Roquiño, Lousame

Ruta: 4,8 km, circular, dificultad: Sinxela

Boas!

Xuntamonos na capela de San Roquiño e saimos maiores e pequeños nunha ruta de senderismo ben sinxela. Tanto foi que os rapaces non lle chegou a nada. Son Uns Campeons, e tamen o digo polo seu comportamento.

O rematar e amenazando choiva, merenderos chocolate e bizcochos, mentras se preparaban os personaxes da obra de teatro " O secuestro de Papa Noel" que fixo que os pequenos puxeran toda a sua  atención e os maiores se botaran unas risas.

O obradoiro non se fixo por non alargar mais a actividade. Queda pendiente para outra ocasión.

Espero o pasaras ben e gracias por vir.

actividades doutras entidades

Este domingo (30 de novembro) un grupo de sendeirismo de Taragoña quedaron en facer ruta de sendeirismo dende Catoira ata o monte Xiabre, son sobre 18 Qm, quen desexe ir terá que estar ás 8.30 horas en Campo de Pazos (Taragoña), Se tes algunha dúbida podes chamar ao teléfono 609071273)

14 de decembro: Castro da Cidá (Ribeira)

Punto de Encontro ás 9:00 diante da casa da cultura de Boiro e Párking da praia do Vilar ás 9:20

Ruta: Párking do Vilar- O Vilar-Castro-Castro da Cidá-Casalnovo- Gandarela-Cova Ladrón- Centro de Interpretación do Parque Natural- Párking do Vilar

Hai un treito da ruta que transcorre por camiños por áreas dunares onde non está permitido o tránsito de cans pola normativa legal do Parque Natural de Corrubedo. Os participantes que fagan a ruta non deben saír dos camiños marcados no Parque Natural, arrancar flores ou plantas, nin molestar á fauna,  conforme as normas xerais deste espazo protexido. 

Hai unha cafetería no inicio da ruta, pero non hai auga potable dispoñible.

Duración: unhas 3 horas, sobre 11 Km. Apta para todos os públicos e terreo transitable (calzado deportivo cómodo). Fxo de guía Miguel.
Grazas aos que mandachedes fotos.
Neste elace está o track da ruta por se queres facela http://es.wikiloc.com/wikiloc/view.do?id=8447308

Quen se vai federar para o ano que ven?

CANDO A FEDERACIÓN GALEGA DE MONTAÑISMO INFORME DAS CONDICIÓNS EXACTAS PARA O 2015 AS PUBLICAREMOS NO BLOGUE E AS MANDAREMOS AOS QUE SE VAN FEDERAR.
Necesitamos saber cantas persoas do club van querer federarse á Federación Galega de Montaña para o ano que ven. Para federarse os maiores de 18 anos teñen que pagar na modalidade A (sendeirismo,...) 51 € ao ano (esta cantidade é a de 2014, contase que para o ano que ven sexa similar) e tería un seguro para actividades de montaña e sendeirismo (quen  queira ver as coberturas, condicións e clausulas que no las pida por correo electrónico), Aparte tería que pagar os 10 € de cota anual do noso club.
Así que se vas querer federarte mandanos os teus datos (nome, apelidos, nº dni, data de nacemento e nº de teléfono)  por correo electrónico.

Se tes dúbidas ponte en contacto con nos.

APARTE DE TER UN SEGURO PARA ACTIVIDADES DE MONTAÑISMO E/OU SENDERISMO ESTAR FEDERADO DÁCHE DEREITO A: 

·         Participar con preferencia nas actividades federativas

·         Participar nos cursos da Escola Galega de Alta Montaña (EGAM)

·         Axudas económicas nalgunhas actividades federativas de ámbito galego, estatal e internacional

·         Usar os refuxios galegos e os que teñan convenio

·         Prezos moi reducidos nos refuxios galegos

·         Comunicacións periódicas

·         Calendario de actividades

·         Participar en actividades divulgativas

·         Competicións oficiais de escalada e carreiras por montaña

·         Tódalas vantaxes de pertencer á Federación Española FEDME: www.ventajasfedme.es

 No seguinte cadro vai desglosado máis información da licencia federativa (modalidades, disciplinas, idades e prezos). 

LICENZA FEDERATIVA FEDERACIÓN GALEGA DE MONTAÑISMO PREZOS E COBERTURAS 2014 SEGUROS – ZURICH
MODALIDADE	ÁMBITO TERRITORIAL	DISCIPLINAS ASEGURADAS	Infantís (de 0 a 13 anos) (2)	Xuvenís (de 14 a 17 anos) (2)	Maiores (maiores 18 anos) (2)
A	ESPAÑA, PORTUGAL, PIRINEO FRANCÉS, ANDORRA E MARROCOS	Excursionismo, Campamentos, Marchas e Sendeirismo (Sen incluir a Alta Montaña en ningun caso)	15 €	30 €	51 €
B	ESPAÑA, PORTUGAL, PIRINEO FRANCÉS, ANDORRA E MARROCOS	Excursionismo, Campamentos, Marchas, Sendeirismo, Rocódromo, Alpinismo, Montaña e Alta Montaña, Escalada, Barrancos, Carreiras por Montaña, Espeleoloxía, Raquetas de Neve, Esquí de Montaña,  e Vías Ferratas	17 €	35 €	56 €
B1	IDEM A B	Ídem a B máis Esquí Alpino e Bicicleta de Montaña (BTT), Snow de montaña, e Splitboard	22 €	41 €	64 €
C	B MÁIS EUROPA	Ídem as da B1 máis Telemark e Canicross	28 €	49 €	90 €
D	MUNDIAL (EXCEPTO EXPEDICIÓNS POLARES E MONTAÑAS DE MÁIS DE 7.000 M.)	Ídem a C	40 €	72 €	131 €
E	MUNDIAL (PARA EXPEDICIÓNS POLARES E  MONTAÑAS DE MÁIS DE 7.000 M.)	Ídem a D	397 €	405 €	419 €
OT	IDEM A B (SÓ OUTUBRO, NOVEMBRO E DECEMBRO) (1)	Ídem as da B	x	x	37 €
OT1	IDEM A B1 (SÓ OUTUBRO, NOVEMBRO E DECEMBRO)(1)	Ídem as da B1	x	x	43 €

(1) As licencias OT e OT1 son Licencias tipo B e B1 soio para os meses de outubro, novembro de decembro para persoas que federanse por primeira vez.
(2) Categoría infantil: Ata 13 anos cumpridos no 2014. Categoría xuvenil: de 14 a 17 anos cumpridos no 2014. Categoría maiores de 18 a 84 anos cumpridos no ano 2014.

9 de novembro, ríos Pedras, San Xoán e Barbanza

O domingo  9 de novembro o Club de Montaña do Barbanza Vintedouspés fixo a ruta circular: ríos Pedras, San Xoán e Barbanza. Foron sobre 14 Qm, dificultade media-alta, duración aproximada 5 horas.

Os puntos de encontro foron ás 9 menos 20 na parada de autobús diante da Casa da Cultura de Boiro e ás 9 na explanada onde remata a carretera que vai dende a Pobra do Caramiñal ata Aldeavella, zona das piscinas do río Pedras.

Esta preciosa ruta iniciase no río Pedras, dirixímonos cara a ponte medieval da Miserela e iremos ata unha piscina do río onde se xuntan o río Barbanza e o San Xoán, pasando a chamarse a partir de aí río Pedras, pasamos por onde houbo un convento de franciscanos, e iniciamos unha dura subida por un sendeiro que vai paralelo ao río San Xoán, tamén chamado dos tobogáns, nun quilómetro se ascenden aproximadamente 250 metros de altitude, por elo esta ruta é de dificultade media-alta, hai máis subida, pero xa con pendentes normais. As vistas da ría de Arousa son espectaculares. Como o curso do río está pechado de silvas e toxos desviámonos á dereita cara a uns muíños de vento na serra do Barbanza, ao alto do Castelo, pasamos por diante do curro das Cañizadas e dirixímonos cara o río Barbanza, cruzamolo na Portela, iremos paralelos ao río Barbanza pero máis altos, polo alto do Salgueiro e baixaremos por sendeiros e algunha pista ata Entrerríos, dende aí tivemos algo de asfalto e algo de subida para chegar ao final da ruta. Respecto a altitudes, empezamos a uns 160 metros de altitude e o punto máis alto é arredor de 590 metros.

Fomos 48 pés, entregaronse os carnés de socios/as, tivemos unha mañá bastante boa a pesar de que choveu algo, e os ríos levaban bastante auga, estaban espectaculares. 

Neste enlace está o track da ruta http://es.wikiloc.com/wikiloc/view.do?id=8461901

Quen o desexe pode pinchar onde rematan as fotos e pon "No hay comentarios" ou "comentarios" e contar algo da ruta (o que máis lle gustou, o que menos, que lle pareceu, ...).

piscina río Barbanza

río San Xoán

río San Xoán

río San Xoán

alto do Castelo

mirador cañón río Barbanza

Entrerríos

12 de outubro: Boiro - Neixón

Se sae de diante da Casa da Cultura de Boiro (marquesina Avda da Constitución) ás 9 cara a Boliña.Cruzase o núcleo e hai unha pequena pero intensa subida para coller varias pistas por piñeirais. Sobre o Qm 5 chegase a Cubeliños onde está petroglifo das cabras e un cruceiro "tipo de Loreto"(o que sepa por qué se chama así que o conte). Despois vaise por carretera dirección a Neixón todo pola costa, collense máis camiños por piñeirais e chegase ao castro.Dende alí siguese por pistas e pasase por debaixo da autovía. Vaise un tramo á beira do río Grande. Percorremos uns 200 m pola estrada comarcal ac305 e collemos o sendeiro que vai paralelo ao río Brea. Antes de chegar a San Ramón collemos un desvío en dirección a Xiao, subida por carretera para volver a coller sendeiros por piñeirais ata Treito de arriba e dende alí a Sandrenzo onde volvemos a coller algo de asfalto,1 Qm. Collemos outro camiño polo monte que nos lleva á entrada do polígono empresarial de Boiro e dende alí baixada á Casa da Cultura.
Ruta circular de arredor de 18 Qm de dificultade media. Fixo de guía Loreto
Neste enlace está o track da ruta http://es.wikiloc.com/wikiloc/view.do?id=8011128

actividades doutras entidades

25 de outubro, ruta do magosto no Courel, máis información http://www.fontedomilagro.org/index.php/12-news/latest-news/152-ruta-do-magosto

Andaina da Castaña de Parada do Sil, 8 de novembro. Máis información http://www.ribeirasacracm.org/base/galego/VIIIandainaC14.php

II Carreira Popular Toffe Concello De Rianxo (1 do 11 do 2014). Neste enlace tes máis información http://emesports.es/project/carreira-popular-toffe-concello-de-rianxo/

Sábado 27 de setembro, O Concello de Negreira organiza andaina popular de Negreira. 25 Qm., prazo de inscrición ata o 26, telf. 981 885 886.

21 de setembro, Rianxo - Monte das Cercas

Monte das Cercas

PUNTOS DE ENCONTRO ÁS 20.30 HORAS DIANTE DA CASA DA CULTURA DE BOIRO E ÁS 8.45 DIANTE DO INSTITUTO FELIX MURIEL DE RIANXO.

RUTA QUE SAE DENDE O INSTITUTO FELIX MURIEL DE RIANXO SEGUE POLA ANTIGUA CANTEIRA DE RIANXIÑO ATA A CAPELA DE SAN PEDRO CRUZAMOS AUTOVIA E SEGUE PARALELA PASANDO POLO CAMPO DE FUTBOL DE ASADOS ATA O MONTE DAS CERCAS ONDE HAI UNHA MAMOA E UNHA PAISAXE DO RIO ULLA MOI FERMOSA, SEGUE POR POLO CAMIÑO DO ANTIGO MIRADOR DA FORESTAL, ONDE DISFRUTAMOS DUNHA VISTA FERMOSA SOBRE A RIA DE AROUSA SEGUIMOS ATA MEIQUIZ E CABANAS, SAIREMOS PERTO DO IES DE RIANXIÑO E VOLTAREMOS AO PUNTO DE PARTIDA.

TEN UNHA LONXITUDE APROXIMADA DE 18 Qm, UNHA PEQUENA PARTE POR ASFALTO. DIFICULTADE MEDIA. LEVOUNOS 4,5 HORAS. Guiou Moncho.
Neste enlace está o track da ruta http://es.wikiloc.com/wikiloc/view.do?id=2458994

Mantis relixiosa

Mamoa do Campillo

Ponte do Ave sobre o Ulla

Illa de Cortegada

Ermida de S. Pedro

ESTE DOMINGO ESTABA PREVISTO FACER A RUTA DAS PONTES DO LEREZ, PERO AO PREPARALA VIMOS ALGÚN SITIO CON CERTO PERIGO PARA PASAR, ASÍ QUE DECIDIMOS POSPOÑELA PARA OUTRA OCASIÓN.