Información da ruta:
Un foxo do lobo é unha construción adicada a dar caza a este animal nunha batida comunitaria que consistía en espantalo cara a uns muros altos de pedra que iban converxendo ata rematar nun profundo burato no chan, no que finalmente caía o depredador do gando. Os foxos están extendidos por todo o noroeste de España e tamén háinos en Portugal e no caso concreto de Cotobade existen dous, visitando nós o que se atopa entre as freguesías de Carballedo e Corredoira.
O noso percorrido irá polo sendeiro marcado como Foxo do Lobo, cunha ampliación da andaina xa que sairemos da área de lecer de Pozo Negro. Se facemos o traxecto no sentido contrario as agullas do reloxo, da praia fluvial de Pozo Negro encamiñámonos a igrexa de San Martiño de Rebordelo, que aínda conserva a cabeceira románica do século XII, con casa reitoral ao seu carón. Pasado Soutolongo, entramos n´Os Martices coa súa carballeira e capela de San Brais. Internámonos deseguido nunha fraga con corredoiras que levan ata as aldeas abandonadas de O Sabugueiro e Arufe.
Baixamos as beiras do río Almofrei, cheo de pontellas que comunican as súas bandas e con antigos muíños movidos polas súas augas e atravesada a engaloiante ponte de medio punto de Serrapio a congostra sobe procurando o foxo do lobo, mergullado nunha acolledora carballeira.
Facemos o retorno de novo ao Almofrei para folgar ou bañarse na área de lecer de A Chan, con muíños, mesas e piscina. O camino d´As Barcias enfila cara o final do roteiro, ollando os muíños Suas Veigas e dos Milagres, cunha pequena praia, xa as beiras da piscina de Pozo Negro, onde rematamos.(información collida de Wikiloc dun texto de Jesús Simón)
Neste enlace está o track da ruta https://es.wikiloc.com/rutas-senderismo/foxo-do-lobo-cotobade-39297911
Neste enlace está o track da ruta https://es.wikiloc.com/rutas-senderismo/foxo-do-lobo-cotobade-39297911
