Domingo 30 de xuño, fervenza das hortas (Arzua)

Información da ruta:

No lugar no que deita as súas augas no río Iso a Ponte Santa nace o Roteiro da Fervenza das Hortas, que ten como fitas principais:

- A Torrente de Maroxo, que remata no coto do mesmo nome e que ofrece unha panorámica única da vila de Arzúa.

- O encoro de Portodemouros, que foi construído no ano 1968 na cunca do río Ulla, límite entre as provincias de A Coruña e Pontevedra. Ofrece un espazo ideal para os deportes náuticos e a pesca.

- O Enredo do Abelleiro, interesante museo temático sobre o mel e a apicultura.

O roteiro remata na Fervenza das Hortas, un dos límites naturais entre os concellos de Arzúa e de Touro. Consta de dúas caídas de auga, en gneis mesturados con cuarcita, duns 30 metros de altura, do Regato de Saímes, segundo o libro Augas caídas. Fervenzas de Galiza.

 

Neste enlace están as fotos de Eduardo https://drive.google.com/drive/folders/17IICelN03s8EJKrzZs95xmeL8AgAAZne

Seguimos a ruta creada e compartida en Wikiloc de José Conxo https://es.wikiloc.com/rutas-senderismo/pr-g-169-roteiro-fervenza-das-hortas-9824166