O domingo 30 de novembro faremos a ruta "río Artes e
río San Xoán ( ou dos tobogáns)" pola Pobra do Caramiñal, serán sobre 14
quilómetros, dificultade media, pero teremos un tramo pola beira do río san
Xoán con bastante pendente, nun quilómetro douscentos metros subiremos un
desnivel de case 300 metros. Hai que levar calzado axeitado para andar pola
montaña, aconsellamos levar auga e algo para picar na mitade da ruta.
Empezaremos a andar no miradoiro de Valle Inclán -a 368 m de altitude, atópase este miradoiro-monumento
a Ramón del Valle-Inclán. A estatua, de Benito Prieto Coussent, conmemora as
excursións do célebre escritor pola serra do Barbanza. Ofrece unhas espléndidas
vistas sobre a ría da Arousa e as distintas poboacións a ámbolos dous lados da
ría- pasaremos cerca da aldea de San
Amedio e faremos un tramo subindo pola beira do río Artes -río que desemboca
entre a praia do Vilar e a praia da Ladeira- e baixaremos cara a Aldea Vella,
camiñaremos un tramo pola marxe dereita do río Pedras ata a ponte de orixe
medieval da Misarela, onde cruzaremos o río San Xoan, veremos unhas pozas do
río Pedras, pasaremos por restos do convento de A Misarela e subiremos pola
marxe esquerda do río San Xoán ata as cercanías do Alto do Arnelo, onde
cruzaremos o río e iremos cara A Curota (512 m) por un camiño, desde aí
descenderemos por outro camiño cara ao punto de inicio.
Puntos de encontro:
Onde sempre de Boiro ás 8 e 30
Punto de inicio Miradoiro de Valle Inclán ás 9 menos 10
Para inscribirte contesta a este correo indicando nome e apelidos e onde te incorporas antes das 11 horas do 29 de novembro.
Se te inscribes, o sábado 29 a partir das 16 horas mira o noso blog por se hai algún cambio de última hora.
::::::::::::::::::::::::::::::::::::::::::::::::::::::::
