21 de xuño - Pontes do Lérez (Forcarei)

21 de xuño: ruta as Pontes do Lerez (Forcarei). Como é unha ruta lineal desprazaremonos ata alí en autobús. Sairemos ás 8.20 de Boiro (onde sempre, diante da Casa da Cultura de Boiro), recolleremos aos de Rianxo na rotonda da autovía sobre as 8.35.

 A ruta son sobre 15 km, a dificultade é media. A ruta iniciase no mosteiro medieval cisterciense de Santa María de Aciveiro e percorre por sendas de pescadores as ribeiras do río Lérez ata a aldea de Gaxín. Na actualidade a súa igrexa é utilizada para o culto parroquial e as dependencias monacais foron obxecto de restauración e acollen un hotel. Tras visitarmos o mosteiro a ruta descende cara ao río, que nos acompañará ata a ponte medieval de Andón. A ruta abandona momentaneamente o río para se dirixir cara ao Pico Valiñas; unha mesta vexetación acompaña o sendeirista ata Ponte da Carballa, onde se recupera a compaña do río Lérez.

Dende este punto, e a través dunha espesa fraga, o vieiro ha levarnos dunha ribeira á outra cruzando as pontes do Crego, Maril, Ponte Vella e Nova de Forcarei, así coma a ponte medieval de Gomail, onde definitivamente se abandona o curso deste fermoso río e se ascende para alcanzar a aldea de Gaxín. Convén levar un bocata ou algo para comer, contamos estar de volta en Boiro sobre as 16 horas (pero pode haber variación na hora da chegada dependendo como vaia o grupo e como esté o sendeiro).
Neste enlace está o track da ruta http://es.wikiloc.com/wikiloc/view.do?id=1781262

APUNTOUSE XENTE SUFICIENTE PARA COLLER O AUTOBÚS E QUEDAN ALGUNHAS PRAZAS LIBRES, SE QUERE APUNTARSE ALGUEN MÁIS AÍNDA ESTÁ A TEMPO. Para apuntarse hai que ingresar antes do 19 de xuño na conta do club ES2520800310553000121101 (Abanca) 8 € (deixando constancia no ingreso o nome da persoa inscrita) e mandar un correo electrónico indicando que se fixo o ingreso para ruta pontes do Lérez e nome, apelidos e teléfono. Para participar é necesario estar federado en montañismo (para ter seguro de accidentes e rescate).

Chegaron as camisetas, nesta ruta as repartiremos, quen a pediu que traia 8 € para pagala.

31 de maio - A Muralla dende Ermida (Rianxo)

domingo 31 de maio: ruta circular de A Ermida á Muralla (Rianxo). Puntos de encontro ás 8.20 diante da Casa da Cultura de Boiro e ás 8.45 diante de parque infantil que hai na aldea da Ermida (parroquia de Araño)

Sairemos da aldea da Ermida, iremos ata Pozo Bastón, iremos algo pola beira do río Te (é máis arriba que na ruta anterior), subimos ata chegar a aldea de Campelo para logo subir á Muralla, ogallá o día esté despexado e poidamos disfrutar das impresionantes vistas, vermos desta vez as torres da catedral?. Baixaremos ata a pedra dos catros concellos , seguimos pola pista de asfalto uns 2 km para logo desviarnos a dereita por camiños de terra ata chegar aldea de Bustelo ( parroquia de san xoan de Imo) concello de Dodro seguimos polos camiños de terra ata chegar aldea de A Hermida Rianxo.
Son arredor de 15,5 km, estimamos que a duración será sobre 4 horas e media, e a dificultade da ruta é media.

Parte da ruta vai pola sombra, pero outra parte non, non sabemos como vai estar o tempo o domingo, pero se vai sol, aconsellamos levar gorra e protección solar. 
faremos un descanso duns dez minutos arredor da metade do percorrido, aconsellamos levar algo para picar nese descanso. Hai que levar tamén auga.

Neste enlace está o track da ruta http://es.wikiloc.com/wikiloc/view.do?id=9863902

Home que colocou a pedra dos catro concellos (pasaba por aí cando chegamos nos)

Pozo Bastón

Pozo Bastón

Rio Te

rio Te

No pozo Bastón leeuse unha lenda sobre del (está sacada da páxina web http://www.galiciaencantada.com/index.asp)

Do Pozo Bastón, no río Te, en Araño, concello de Rianxo (A Coruña) cóntase a seguinte lenda.
Un mouro achegouse a un mozo de Araño que estaba facendo o servizo militar en África e preguntoulle de onde era. E como lle dixo que de Araño, o mouro preguntoulle se sabía onde quedaba o Pozo Bastón; o mozo díxolle que si, que o sabía, e entón o mouro faloulle así:
—No Pozo Bastón están encantadas tres das miñas fillas. Se me fixeses o favor de ir alí e facer o que eu che diga para desencantalas daríache o que me pedises.
Como o rapaz estivo de acordo en facerlle aquel favor, o mouro explicoulle ben o que tiña que facer cando se achegase ao pozo e deulle tres bolos de pan. Mais, insistiu o mouro, non perdas os bolos, non lle contes nada disto a ninguén, e, sobre todo, tes que chegar con eles alí sen que llles falte farangullo ningún.
Cando o mozo regresou a Araño antes de ir ao Pozo Bastón pasou pola casa e pousou os bolos enriba da mesa da cociña. Mais a muller, curiosa, quixo ver o que había naquel envolto, destapou e levou á boca un anaco dun deles.
O mozo moito lle rifou pero xa non había remedio. Colleu cara o Pozo Bastón e ao chegar, tal e como lle dixera o mouro, botou á auga un dos bolos. De contado víu saír da auga unha moza dunha fermosura nunca antes vista por el. Logo tirou o segundo dos bolos e saíu do pozo outra rapaza tan bonita como a primeira.
Faltaba o terceiro dos bolos, o encetado pola muller. Tirouno e víu como pelexaba por saír da auga unha terceira moza, tamén moi fermosa, pero coxa. Moito turrou a moza mais como ela non era quen de saír do pozo por sí soa agarrouse ás súas irmás e... volveron as tres para a auga.
E alí estarán aínda, entre os cachóns de auga batida daquela fermosa fervenza que se chama Pozo Bastón.

Para participar é obrigatorio estar federado en montañismo (polo motivo de ter un seguro que cubra posibles accidentes ou rescates), Se estás federado en montañismo noutro club podes asistir á ruta pagando 2 € e deberás mostrar o carné. Se non estás federado e queres federarte con nos (para participar nesta ruta tes de prazo ata o 6 de maio) tes unha entrada do blogue no que se explica http://vintedouspes.blogspot.com.es/2015/03/licenzas-federativas.html

se queres anotarte chama por teléfono aos números 615 637 227 ou 616 523 902; ou manda un email a: vintedouspes@gmail.com. Prégase ser puntuais. Deberase respetar o medio ambiente.

Haberá unha persoa que vaia poñendo o ritmo por diante e outra por detrás que se deberán respetar. Se busca que o grupo vaia compacto, se pon un ritmo medio, se eres dos que so disfruta andando rápido non te sentirás cómodo neste grupo e se eres dos que vas lento ou non tes un mínimo de forma física tampouco deberías participar pois farías que o resto do grupo tivera que ir agardando por ti.

25 e 26 de xullo: A Seara - Courel

25 e 26 de xullo: viaxe a  A Seara - O Courel. Aloxarémonos no refuxio da Federación Galega de Montañismo que hai na Seara, este pobo aínda conserva o típico propio dunha aldea medieval, merece a pena facer un percorrido polas súas estreitas rúas. A boa conservación da estructura medieval da aldea, que aínda dispón de currunchos cunha rusticidade envilecida hoxe en día, permitiu que se realizaran nos últimos anos importantes labores de restauración.

Sairemos ás 7 da mañá de Boiro e iremos en coches particulares ata A Seara. Sobre as 10 chegaremos e ás 10.30 iniciaremos a ruta A Seara – lagoa de Lucenza – Pico Formigueros

Tratase dunha fermosa ruta circular que percorre unha parte dos lugares máis emblemáticos do Courel.

Partindo da aldea de A Seara, unha das máis encantadoras da serra, ascendemos por un bello sendero ata chegar á Fervenza do Fócaro, un dos saltos de agua máis atractivos da zona. Seguimos ascendiendo, cruzando por unha ponte de madeira o rego de Porto Mourelos, ata chegar á Lagoa da Lucenza, de orixe glaciar, un dos elementos naturales destacables da serra.

Dende aquí ascendemos ata a Campa da Lucenza e por pista chegamos ao desvío para o ascenso ao Pico Formigueiros (1640 m.), o máis elevado da serra.

Dende aquí, desviamonos por pistas, descendendo pola antiga zona mineira das Ferreñas ata chegar á estrada.

Dende aí, accederemos á Fervenza de Vieiros, e dirixirémonos a Vieiros e finalizaremos o percorrido circular de novo na aldea de A Seara.

Distancia: 14 km.

Duración: 6 horas

Dificultade: media

Cada un levará algo para comer no medio da ruta. A cea ser fará nun mesón que hai na Seara.

O domingo faremos a ruta circular Moreda – Devesa da Rogueira – Parada. Nesta fermosa ruta teremos a posibilidade de coñecer unha das xoias botánicas de galicia: "a Devesa da Rogueira", considerada por prestixiosas publicacións como "un dos mellores bosques da Península Ibérica", no que medran casi todas as especies de árbores, arbustos e flores do Courel.

Tamén percorreremos parte da serra con fermosos paisaxes de montaña, visitando o impresionante Mirador de Polín, a 1371 metros de altitud, dende o que se disfruta unha das mellores vistas de todo o Courel.

E por último, conoceremos algunhas das aldeas tradicionais máis típicas do Courel: Moreda e Parada, atravesando o impresionante souto de castiñeiros que a rodea e coñecendo onde viviron dous das figuras literarias máis relevantes de toda Galicia: os poetas Uxío Novoneyra  María Mariño.

Distancia:10,5 km

Duración estimada: 5 horas.

Dificultade: media

Cada un levará algo para comer no medio da ruta. Ao rematar a ruta emprenderemos o regreso ao Barbanza.

Nesta viaxe permitirase de xeito excepcional poder levar acompañante que non esté federado.

Gastos estimados da viaxe por persoa:

1 noite no refuxio 5 € (senón eres federado 10 €)

Desprazamento en coche ida e volta 12 € (dependendo de cantos paxaxeiros vaian por coche esta cifra pode variar algo).

Cea do sábado 12 €.

Se alguén non quere aloxarse no refuxio tamén é posible durmir na pensión que hai na Seara, o telefono é 982 18 53 24 (nese caso terían que facer a reserva pola súa conta e se lles descontaría o prezo do refuxio). Nese caso avisar tamén ao Club de Montaña do Barbanza quen vaia facer así).

Se hai quen prefire irse o día anterior tamén é posible, nese caso habería que pagar 2 noites e tería que avisar ao Club de Montaña do Barbanza Vintedouspés.  

Para apuntarse nesta viaxe hai que ingresar por persoa antes do 6 de xuño (ampliouse o prazo, aínda quedan prazas) na conta do club ES2520800310553000121101 (Abanca) 17 € (ou 22 € se eres acompañante e non estás federado), deixando constancia no ingreso o nome da persoa inscrita) e mandar un correo electrónico indicando que se fixo o ingreso para viaxe do Courel e nome, apelidos e teléfono.

Hai que levar saco ou manta para durmir e comida para a ruta do sábado e a do domingo.

Se tes dúbidas ou queres máis información podes poñerte en contacto con nos

camisetas

Vanse facer camisetas técnicas co logotipo de Vintedouspés, na ruta de hoxe do río Te, ensinaronse, serán en azul e custarán 8 €, quen desexe adquirir deberá mandar un correo electrónico a vintedouspes@gmail.com indicando nome e apelidos e talla. Damos de prazo ata o 31 de maio para pedilas.
Xa están listas as camisetas, na ruta das pontes do Lérez empezaranse a repartir. Levade 8 € para recollelas.

10 de maio: Monte da Pena - río Te (Rianxo)

PUNTOS DE ENCONTRO ÁS 8.30 EN BOIRO (diante da Casa da Cultura, Avda da Constitución) E ÁS 8.45 EN RIANXO (diante do Instituto Felix Muriel, rúa Ana Mª Mogas, 1, Rianxiño).

A RUTA SAE DE RIANXIÑO, SEGUIMOS POLA PISTA DE TERRA, PODEMOS VISITAR OS PETROGLIFOS DA FOXA VELLA E CRUZAREMOS POR DEBAIXO DA AUTOVÍA,SEGUIREMOS ATA O ALTO DA PARADEGUA (FRONTEIRA ENTRE OS CONCELLOS DE DODRO E RIANXO) PRETO EXISTEN DOUS CASTROS POR ESCAVAR SEGUIMOS POLOS MONTES DE BURÉS ,FEXACOS ATA ATOPARNOS CO RIO TE, SEGUÍMOLO CURSO DEL DURANTE VARIOS KILÓMETROS E SAIREMOS NUNHA ROTONDA DE ENTRADA DA AUTOVÍA SEGUIMOS ATA A PRAIA DA TORRE, PASEO MARÍTIMO E CHEGAMOS A RIANXO E RIANXIÑO.

SON SOBRE 19 KM, DIFICULTADE MEDIA-BAIXA, ESTIMAMOS QUE DURE ARREDOR DE 4 HORAS E MEDIA OU 5. HAI QUE TRAER CALZADO AXEITADO PARA ANDAR POLO MONTE.

Neste enlace está o track da ruta http://es.wikiloc.com/wikiloc/view.do?id=9206755

DADO QUE ESTAMOS NO MES DAS LETRAS GALEGAS, NA PARADA QUE SE FARÁ A MITADE DA RUTA QUEN O DESEXE PODERÁ LER OU RECITAR ALGÚN POEMA OU FRAGMENTO LITERARIO, ASÍ QUE SE QUERES PARTICIPAR NA LECTURA LEVA ALGO PREPARADO..
Os poemas lidos foron:

- Fragmento de Coma un río de Diaz Castro

Coma un río quixera eu ser: cantar

con estrelas no lombo cara ó mar,

deixando unha chorima en cada pedra,

e unha bágoa de Deus en cada herba.

- SOS de Manuel Antonio

Fomos ficando sós

o Mar o barco e mais nós.

Roubaron-nos o Sol

O paquebote esmaltado

que cosía con liñas de fume

áxiles cadros sin marco

Roubaron-nos o vento

Aquel veleiro que se evadeu

pol-a corda floxa d' o horizonte

Este oucéano desatracóu d'as costas

e os ventos d' a Roseta

ourentaron-se ao esquenzo

As nosas soedades

veñen de lonxe

como as horas d' o reloxe

Pero tamén sabemos a maniobra

d' os navíos que fondean

a sotavento d' unha singladura

N-o cuadrante estantío d'as estrelas

ficou parada esta hora:

O cadavre d'o Mar

fixo d'o barco un cadaleito

Fume de pipaSaudade

NoiteSilenzoFrío

E ficamos nós sós

Sin o Mar e sin o barco

nós.

A fala de Manuel María

O idioma é a chave

coa que abrimos o mundo:

o salouco máis feble,

o pesar máis profundo.

O idioma é a vida,

o coitelo da dor,

o murmurio do vento,

a palabra de amor.

O idioma é o tempo,

é a voz dos avós

e ese breve ronsel

que deixaremos nós.

O idioma é un herdo,

patrimonio do pobo,

maxicamente vello,

eternamente novo.

O idioma é a patria,

a esencia máis nosa,

a creación común

meirande e poderosa.

O idioma é a forza

que nos xungue e sostén.

¡Se perdemos a fala

non seremos ninguén!

O idioma é o amor,

o latexo, a verdade,

a fonte da que agroma

a máis forte irmandade.

Renunciar ao idioma

é ser mudo e morrer.

¡Precisamos a lingua

se queremos vencer!

ESTES DÍAS CON TANTA CHOIVA, O RÍO TE ESTÁ ESPECTACULAR

Para participar é obrigatorio estar federado en montañismo (polo motivo de ter un seguro que cubra posibles accidentes ou rescates), Se estás federado en montañismo noutro club podes asistir á ruta pagando 2 € e deberás mostrar o carné. Se non estás federado e queres federarte con nos (para participar nesta ruta tes de prazo ata o 6 de maio) tes unha entrada do blogue no que se explica http://vintedouspes.blogspot.com.es/2015/03/licenzas-federativas.html

se queres anotarte chama por teléfono aos números 615 637 227 ou 616 523 902; ou manda un email a: vintedouspes@gmail.com. Prégase ser puntuais. Deberase respetar o medio ambiente.

Haberá unha persoa que vaia poñendo o ritmo por diante e outra por detrás que se deberán respetar. Se busca que o grupo vaia compacto, se pon un ritmo medio, se eres dos que so disfruta andando rápido non te sentirás cómodo neste grupo e se eres dos que vas lento ou non tes un mínimo de forma física tampouco deberías participar pois farías que o resto do grupo tivera que ir agardando por ti.

licenzas federativas 2015

Quen desexe ter licenza federativa no ano 2015 debe:

- Escoller a modalidade que che interesa (ver cadro que hai a continuación).

- Ingresar a cantidade que corresponde + 10 € a maiores por cota anual do Club de Montaña do Barbanza Vintedouspés, nº de conta ES2520800310553000121101 (Abanca). En concepto indicar nome, apelidos e a modalidade escollida.

- Enviar un email a vintedouspes@gmail.com cos teus datos: nome e apelidos, enderezo, email, teléfono, data de nacemento e nº de DNI.

Se tes algunha dúbida podes preguntarnos por email ou teléfono.

Estes son os prezos das licenzas federativas para o ano 2015

Neste enlace da Federación Galega de Montañismo ven máis información (a que da dereito estar federado, coberturas,...) http://fgmontanismo.es/licenza