O domingo 22 de novembro faremos a última etapa de "A volta ao Barbanza", e una comida no restaurante “La Ubi”(Boiro). So para socios/as
RUTA:
Empezaremos cerca do curro das cañizadas (Pobra do Caramiñal), enlace de google maps: https://maps.app.goo.gl/
Puntos de encontro:
En Boiro ás 8 e media enfrente á tenda Aluzzine nunha marquesiña da Avenida da Constitución cercana á Casa da Cultura de Boiro (onde sempre)
Ou no lugar cercano áo curro das cañizadas https://maps.app.goo.gl/
Empezaremos a ruta subindo á torre de Inxerto, -creemos que nas rutas do club nunca estivemo, ésun dos miradoiros máis bonitos da serra do Barbanza- e baixaremos ata o final da ruta pasando pola Corte do Santo -atópase nun meandro ou promontorio rodeado de natureza na parte alta da serra, nun terreo pertencente á comunidade de montes de Santo Isidro (Pobra do Caramiñal). As escavacións —dirixidas por un equipo de investigación da Universidade de Santiago de Compostela e a empresa Tempos Arqueólogos— sacaron á luz unha estrutura antiga de grandes dimensións, destacan muros de granito de preto dun metro de grosor, fragmentos de cerámica e grandes laxas de pedra. O topónimo combina a idea dunha construción para animais (corte) cunha connotación relixiosa (do santo). Os investigadores barallan que puido funcionar como un eremitorio ou un pequeno oratorio medieval (vinculado historicamente a espazos como o convento da Misarela)-. Iremos un rato paralelos ao río Barbanza e divisaremos o seu canón. Pasaremos polos petóns de Currumil e petón da Hedra e cruzaremos o río Pedras en Entrerrios e iremos ao aparcamento da igrexa de Santa Cruz de Lesón –onde iniciamos a 1ª etapa de A volta ao Barbanza e onde remataremos a 5ª e última etapa. A parte final da ruta será a que fixemos na primeira etapa pero en sentido contrario e como o tempo estivo regular e gustou moito varias persoas pediron repetir ese tramo. A ver se desta temos mellor sorte co tempo.
Nesta ruta hai tramos de camiños de montes e pistas de terra. Dificultade media, é una ruta na que temos subida ao principio, baixamos case todo o rato ata Entrerrios e una pequeña subida para rematar a ruta. Distancia sobre 15 km. Aconsellamos levar calzado axeitado para andar pola montaña, auga e algo para picar (froita por exemplo) na mitade da ruta, ao rematar a ruta iremos comer a “La Ubi” no paseo marítimo de Boiro.
Como é unha ruta lineal vamos levar previamente ao inicio da ruta uns coches de voluntarios designados polo club ao punto final para cando rematemos a ruta levar a todos os participantes aos puntos de inicio (Boiro ou sitio cercano ao curro das Cañizadas).
Para inscribirte na ruta deberás contestar a este correo antes das 18 horas do venres 20 de novembro, indicando nome, apelidos e lugar onde te incorporas Boiro ou zona de Curro das Cañizadas. PARA PARTICIPAR NA RUTA É IMPRESCINDIBLE INSCRIBIRSE NO PRAZO ESTABLECIDO pois necesitamos sabelo para levar os coches necesarios ao punto final.
No caso de que te inscribas, o sábado 21 de novembro a partir das 16 horas deberás consultar o noso blog por se hai algún cambio de última hora.
COMIDA:
Restaurante “La Ubi” no paseo marítimo de Boiro 22 de novembro ás 3 e media.
Menú:
Entrantes: táboa de xamón ibérico e zamburiñas á plancha.
Prato principal: arroz a banda ou arroz negro.
Postre: coulant de chocolate con bola de mandarina.
Refrescos, cervexa, viño colleiteiro e café.
Prezo 34 €
Para apuntarse á comida deberás contestar a este correo antes do 16 de novembro ás 13 horas. Se paga no restaurante pero quen se apunte se compromete a pagar aínda que non vaia a cantidade que nos cobren no restaurante pola súa reserva.
É posible anotarse so á comida, so á ruta ou por suposto ás dúas cousas. No caso de que haxa que adiar a ruta por mal tempo teremos a comida igual
