O domingo 24 de maio pequerruta “río Té (Rianxo)”.

POR AGORA HAI PRAZAS DISPOÑIBLES

Desde o Club de Montaña do Barbanza Vintedouspés consideramos que o contacto ca natureza é moi importante para o benestar dos nenos/as e mozos/as tanto a nivel físico como emocional, polo que vamos a promover neste ano catro rutas pensadas para eles.

O domingo 24 de maio vamos facer unha ruta pensada para nenos/as e mozas/os a partir de 8 anos, pequerruta “río Té (Rianxo)”.

Serán sobre 9,5 quilómetros e fácil de dificultade. Prazas limitadas

Cada menor deberá ir con pai/nai ou titor.

Punto de encontro:

Ás 10 e cuarto na marquesiña que hai na rotonda de Té (saída da autovía de Rianxo) para empezar a andar.

Hai que levar calzado axeitado para andar, aconsellamos levar auga e algo para repoñer forzas bocadillo pequeno, froita, ou froitos secos por exemplo.

Para inscribirte deberás:

PASO 1: Comprobar nesta entrada do noso blog que quedan prazas https://vintedouspes.blogspot.com/

PASO 2 (dúas opcións):

Opción A: facer un seguro de día para o menor e para o acompañante, o coste son 8 € para os adultos e 5 € para os mozos.

Opción B: Se prefires hai esta outra opción, federar ao menor para todo o 2026 -ten un coste reducido entre 0 e 13 anos 15 € e entre 14 e 17 anos 23 €- e facer ao acompañante seguro de día 8 € (se colles esta opción nas seguintes pequerrutas os menores xa non terían que pagar)

No caso de que xa estés federado na federación galega de montañismo contacta con nos pois nese caso hai outra opción.

A modo de exemplo:

Se escolles a opción A e vai participar un menor de idade e un adulto se fai seguro de día para o menor e o adulto o coste son 13 €.

Se escolles a opción B e vai participar un menor de idades comprendidas entre 8 e 13 anos e un adulto e se vai federar o neno para todo o ano o coste son 23 €

No caso de máis nenos/as nunha familia sumar os nenos/as que correspondan.

Os ingresos se farán na conta ES2520800310553000121101 (Abanca) indicando nome e apelidos e pequerruta río Té.

PASO 3: Mandar un correo electrónico a vintedouspes@gmail.com  indicando pequerruta río Te, nome, apelidos, nº de dni, data de nacemento do/a menor, nome, apelidos, nº de dni, data de nacemento, enderezo completo con código postal e telefono do adulto.

O PRAZO PARA INSCRIBIRSE REMATA ÁS 18 HORAS DO XOVES 21 DE MAIO. Como as prazas son limitadas e se cubren por orde de inscrición pode ser que remate antes.

Se tes algunha dúbida ou queres máis información podes poñerte en contacto con nos no correo electrónico vintedouspes@gmail.com ou nos teléfonos 615637227 616523902 

Neste ano temos previsto facer outras dúas pequerrutas.

No caso de que te inscribas, o sábado 23 de maio a partir das 16 horas deberás consultar o noso blog https://vintedouspes.blogspot.com/ por se hai algún cambio de última hora.

Información da ruta facilitada pola Mancomunidade Arousa Norte: O Sendeiro Ambiental del Río Té, en Rianxo, é unha ruta natural de 4,8 quilómetros de lonxitude, accesible e sen apenas dificultade, que permite aos visitantes gozar da beleza paisaxística e a rica biodiversidade da zona. Este percorrido segue o curso do río Té, un afluente do río Ulla, e ofrece unha experiencia única para os amantes da natureza. A través deste percorrido, podemos coñecer a importancia histórica e cultural do río Té, que foi fundamental para o desenvolvemento de actividades como a agricultura, a pesca, a gandería e a explotación forestal.

o 17 de maio faremos unha ruta por Muros, "A Cova da Bruxa"

Ola, o domingo 17 de Maio, dia das Letras Galegas, organizamos unha ruta por Muros , ¨A Cova da Bruxa ¨.

Seran sobre 18km de dificultade moderada.

Iremos en coches particulares para facilitar a mobilidade dos puntos de encontro e comenzo da ruta.

Cada quen pode organizarse cos coches e compartir.

En Boiro Avd da Constitucion, parque da Cachada para sair as 8,30h

En rotonda de Te idem 8,30h

En Noia diante da estacion de bus as 8,50h.

A prevision de comenzo ruta seria sobre as 9,30-10-45h.

O punto de encontro será 42°47'20.0"N 9°03'53.8"W , CEIP Ramon de Artaza y Malvarez, unha vez organizados os coches iremos a o punto de inicio ruta sobre 1,5 km .

Iniciamos a andaina polo rego de Vadexeira por sendeiro de rio, sombreado, peculiar, etc.

Continuamos por camiños de monte ata un refuxio onde faremos un receso para fruta e disfrutar de vistas a ria de Muros  de gran calidade fotografica, asi como toda a ruta en si posue puntos de excelentes vistas.

Un lugar de interes sera A Cruz de Pelos, onde comentarase unha breve historia e xantaremos.

Seguimos a ruta practicamente baixando ata o pobo onde pasariamos pola beira do mar, praia e o famoso Muiño das Mareas e xa finalizamos esta camiñata con diversidade de sendeiros de rio, monte e pobo.

Imos pasar por unha aldea onde temos unha fonte de boa auga para encher e refrescarse.

Para inscribirse contestar a este correo indicando nome, apelidos e onde te incorporas.

Ruta so para socios do Clube

Data para anotarse ata o 15/5/26

No caso de te inscribas, o sábado 16 de xaneiro a partir das 16 horas deberás consultar o noso blog por se hai algún cambio de última hora.

 

19 de xullo faremos a ruta do Xabriña aberta a non socios/as. Iremos en autobús

O domingo 19 de xullo faremos a ruta do Xabriña. Sobre 17 quilómetros, dificultade media.

É unha ruta aberta a non socios/as e persoas sen federar, aos que se lle fai un seguro de día. Se tedes coñecidos que lles poda interesar podedes informarlles. Abrimos o prazo inscrición con bastante tempo de antelación ao ser aberta a non socios/as. Iremos en autobús.

Puntos de encontro:

Avda da Constitución de Boiro, zona da Casa da Cultura, enfrente a tenda aluzine ás 8.

Rotonda de Te (Rianxo) ás 8 e 10.

Rotonda gasolineira Repsol cerca de Catoira ás 8.20.

O autobús non pode agardar pola xente, debedes estar 5 minutos antes da saída nos puntos de encontro.

Se algún sae de Noia ou arredores podemos falar ca empresa de autobús por se poden incorporarse nesa zona contactade con nos para quedar.

Para inscribirse hai que:

- facer un ingreso:

12 € se eres socio do noso club e federado (o club subvenciona parte do coste).

15 € federados doutros clubs, deberán mostrar tarxeta federativa deste ano ao subir ao autobús (vale desde o mobil).

20 € non federados (nesa cantidade unha parte é para o seguro de día).

na conta do club ES2520800310553000121101 (Abanca), deixando constancia no ingreso ruta do Xabriña, o nome da persoa/parella ou grupo inscrita.

- mandar un correo electrónico a vintedouspes@gmail.com indicando que é para inscribirse á ruta do Xabriña, nome e apelidos e lugar onde te incorporas, no caso de que non sexas federado para facer o seguro de día deberás indicar tamén teléfono, nº de dni, data de nacemento e enderezo completo.

O prazo para inscribirse remata o xoves 16 de xullo ás 11 horas. No caso de que te anotes, o sábado 18 de xullo a partir das 15 horas revisa o noso blog por se hai algún cambio de última hora. Se tes algunha dúbida podes contactar con nos.

Aconsellamos levar calzado axeitado para andar pola montaña e non esvarar, bocadillo ou algo similar para comer na ruta e auga. Tamén se pode levar unha mochila para deixar no autobús e mudarse ao chegar.

Descrición da ruta feita por Turismo de Galicia

O río Xabriña, afluente do Tea, convértese no verdadeiro protagonista desta ruta circular que parte da parroquia de Paraños e que visita outros lugares como Prado de Canda e A Lamosa.

Ademais da exquisita vexetación que o camiño presenta nas súas marxes, ao longo del pódese gozar dunha extraordinaria riqueza etnográfica e cultural, xa que durante toda a ruta atopamos elementos de gran valor e en bo estado de conservación, como a igrexa parroquial de Paraños, varias cerarías antigas, coma o «Lagar da Cera» en Portocortiñas, case trinta muíños ao longo do río, camiños tradicionais, fontes, pasos de auga, e pontes coma a de Ponte Folón.

O seu deseño circular divídese en dous grandes aneis.

O primeiro percorre o río dende Paraños a través de frondosos bosques e ata Ponte Folón. O segundo anel, que visita Prado e A Lamosa, achéganos ao Miradoiro de Cotos da Bouza e a pequenas aldeas onde poderemos coñecer a actividade dos antigos artesáns que se dedicaban a traballar coa cera.

Ademais, en varios puntos do camiño encontraremos paneis que recollen poesías do poeta galego Uxío Novoneyra procedentes do seu libro titulado Os Eidos.

Máis información da ruta neste enlace da comunidade de montes de Paraños https://montesparanhos.com/ecoturismo-comunidad-montes-paranhos/ruta-do-xabrina/

Próximas rutas do noso club

1,2 e 3 de maio Camiño do monxe – Ribeira Sacra. Rematou o prazo de inscrición e están as prazas cubertas.

10 de maio Pequerruta (unha novidade deste ano é a organización de pequerrutas, rutas curtas pensadas principalmente para nenos/as e mozas/os).

17 de maio ruta por Muros. En breve vos mandaremos a información.

31 de maio Nemiña – Fisterra (Camiño dos faros).

24 de maio Pequerruta.

14 de xuño Padrón – Carcacía polo Ulla.

Próximas andainas da Federación Galega de Montañismo non lonxanas:

Andaina de Cuntis 9 de maio https://sportmaniacs.com/es/services/inscription/ii-andaina-50km-vila-de-cuntis

Andaina Terras de Altamira 23 de maio https://www.andainaterrasdealtamira.org/

Andaina de Porto do Son 7 de xuño https://www.deporticket.com/web-evento/13113-andaina-porto-do-son-2026

Saúdos do Club de Montaña do Barbanza Vintedouspés

10 de maio pequerruta “Bordear Iroite”

Desde o Club de Montaña do Barbanza Vintedouspés consideramos que o contacto ca natureza é moi importante para o benestar dos nenos/as e mozos/as tanto a nivel físico como emocional, polo que vamos a promover neste ano catro rutas pensadas para eles. 

O domingo 10 de maio vamos facer unha ruta pensada para nenos/as e mozas/os a partir de 8 anos, pequerruta “Bordear Iroite”.

Serán sobre 9,5 quilómetros e fácil de dificultade. 

Cada menor deberá ir con pai/nai ou titor. 

Empezaremos a andar nunha explanada que hai cerca de Casamea, carretera de Moimenta a Iroite (enlace a google maps da ubicación  https://maps.app.goo.gl/V3k1LD5CBjXoPo4a8

 A ruta percorre partes dos concellos de Lousame, Porto do Son e Boiro, iremos pola balconada de Iroite, tendo vistas da ría de Muros e Noia, estaremos polas chans do Barbanza e remataremos tendo vistas da ría de Arousa. 

Iremos en coches particulares, quedamos de puntos de encontro: 

En Boiro ás 10 enfrente á tenda Aluzzine nunha marquesiña da Avenida da Constitución cercana á Casa da Cultura de Boiro 

Ou ás 10 e 25 en explanada que hai cerca de Casamea, carretera de Moimenta a Iroite (enlace a google maps da ubicación  https://maps.app.goo.gl/V3k1LD5CBjXoPo4a8

Hai que levar calzado axeitado para andar, aconsellamos levar auga e algo para repoñer forzas bocadillo pequeno, froita, barriña enerxética ou froitos secos por exemplo. 

 Para inscribirte deberás 

PASO 1 (dúas opcións): 

Opción A: Federar ao menor para todo o 2026 -ten un coste reducido entre 0 e 13 anos 15 € e entre 14 e 17 anos 23 €- e facer ao acompañante seguro de día 8 € (se colles esta opción nas seguintes pequerrutas os menores xa non terían que pagar). 

Opción B: Se prefires hai esta outra opción facer un seguro de día para o menor e para o acompañante, o coste son 8 € para os adultos e 5 € para os mozos. 

No caso de que xa estés federado na federación galega de montañismo contacta con nos pois nese caso hai outra opción. 

A modo de exemplo: 

Se escolles a opción A e vai participar un menor de idades comprendidas entre 8 e 13 anos e un adulto e se vai federar o neno para todo o ano o coste son 23 € 

Se escolles a opción B e vai participar un menor de idade e un adulto se fai seguro de día para o menor e o adulto o coste son 13 €.

 No caso de máis nenos/as nunha familia sumar os nenos/as que correspondan. 

Os ingresos se farán na conta ES2520800310553000121101 (Abanca) indicando nome e apelidos e pequerruta Iroite.

 

PASO 2: Mandar un correo electrónico a vintedouspes@gmail.com  indicando pequerruta Iroite, nome, apelidos, nº de dni, data de nacemento do/a menor, nome, apelidos, nº de dni, data de nacemento, enderezo completo con código postal e telefono do adulto e lugar onde te incorporas Boiro ou Casamea. 

O PRAZO PARA INSCRIBIRSE REMATA ÁS 20 HORAS DO 5 DE MAIO. Como as prazas son limitadas e se cubren por orde de inscrición pode ser que remate antes. 

Se tes algunha dúbida ou queres máis información podes poñerte en contacto con nos no correo electrónico vintedouspes@ ou nos teléfonos 615637227   634602412 

Neste ano temos previsto facer outras tres pequerrutas.

 No caso de que te inscribas, o sábado 9 de maio a partir das 16 horas deberás consultar o noso blog (https://vintedouspes.blogspot.com/))por se hai algún cambio de última hora. 

O 12 de abril de 2026 fixemos a 3ª etapa de A volta ao Barbanza

fervenza de Argalo

Neste enlace está o track da ruta https://es.wikiloc.com/rutas-senderismo/b-259037192

O domingo 12 de abril faremos a terceira etapa de "A volta ao Barbanza", é unha ruta para socios/as do club (se queres facerte socio/a hai información neste blog), empezaremos  no Museo das Minas de San Finx (Lousame) https://maps.app.goo.gl/T1pjKSP6M8rnHSTS6 e remataremos nun lugar na estrada que une Moimenta con Iroite que queda entre Guiende e o rego de  Vilaboa  https://maps.app.goo.gl/atUVXFrSrnz2Ls5K7

Quedamos de punto de encontro:

En Boiro ás 8 e cuarto enfrente á tenda Aluzzine nunha marquesiña da Avenida da Constitución cercana á Casa da Cultura de Boiro (onde sempre)

Ou no museo das minas de San Finx ás 9 menos vinte.

Persoal do Concello de Lousame nos fará unha visita guiada ao museo das minas de San Finx que durará sobre 30 minutos.

Empezaremos a andar polo concello de Lousame pasando polos lugares de Filgueira e Berrimes, iremos un tramo pol beira do rego de Tállara, o lugar de Merelle e iremos ata o dolmen Cova da Moura en Argalo (Noia), seguiremos pola beira do rego de Vilaboa, vendo tamén unha fervenza, pasaremos polo lugar O Canaval (Noia) e chegaremos ao punto de remate.

Nesta ruta hai tramos de camiños de montes, pistas de terra e case nada de asfalto.

Dificultade media, a subida máis importante a teremos desde que collemos o rego de Vilaboa ata o final da etapa, é longa pero o desnivel é moderado. Distancia sobre 17 km.

Hai que levar calzado axeitado para andar pola montaña, aconsellamos levar auga e algo para repoñer forzas ou comer, bocadillo pequeno, froita, barriña enerxética ou froitos secos por exemplo.

Como é unha ruta lineal vamos levar previamente ao inicio da ruta uns coches de voluntarios designados polo club ao punto final para cando rematemos a ruta levar a todos os participantes aos puntos de inicio (Boiro ou Museo Minas de San Finx).

 ------------------------------------------------------------------------

 

O sábado 18 de abril hai a andaina Bisbarra do Sar, neste enlace tes información e podes inscribirte

 https://www.andainabisbarradosar.com/

1, 2 e 3 de maio dúas etapas do Camiño do Monxe e ruta por Luintra (Ribeira Sacra)

San Pedro de rocas

Mosteiro de santo Estevo de Ribas de Sil

pseudo-menhir

Visita guiada mosteiro Xunqueira de Espadañedo

Tracks das rutas:

https://gl.wikiloc.com/wikiloc/spatialArtifacts.do?event=setCurrentSpatialArtifact&id=262158073

https://gl.wikiloc.com/rutas-sendeirismo/parte-da-etapa-3-camino-monxe-miradoiro-de-cabezoas-miradoiro-vilouxe-miradoiro-pe-do-home-mosteiro-262391457

https://gl.wikiloc.com/rutas-sendeirismo/luintra-necropolis-de-moura-monasterio-de-santo-estevo-mirador-do-castro-parte-da-ruta-da-amargura-262595930

O club organiza unha saída o 1, 2 e 3 de maio dúas etapas do Camiño do Monxe https://ocaminodomonxe.com/ , travesía circular de sete etapas pola Ribeira Sacra, faremos a etapa 3 e unha combinación das etapas 4 e 5 eliminando as partes menos interesantes (https://ocaminodomonxe.com/). E outra ruta que está pendente de concretar polos arredores de Luintra.

So poden ir socios/as. Iremos en autobús. Está prevista a saída do autobús o venres ás 7 de Boiro, haberá posibilidade de collelo en Lousame -garaxe de Comparado ou Noia, e faremos paradas en Rotonda Te (Rianxo), Lestrobe, Santiago e se fai falla nalgún sitio máis que coincida de paso, cando se acerque o día por whatsapp concretaremos os detalles.

Foi bastante difícil reservar os aloxamentos, estaremos aloxados duas noites en Parada do Sil en “Casa O Torgal”, “O balcón da ribeira”, Apartamentos Ribeira Sacra e en bungalows do Camping Cañon do Sil. As ceas do venres e do sábado en grupo pagarase no restaurante.

Plan previsto de rutas:

 O venres 1 faremos a etapa 3 - De Parada do Sil a mosteiro de Santo Estevo de Ribas de Sil

 O inicio será na aldea do Castro e, desta forma, quitamos os dous kilómetros que xa fixemos na etapa anterior. O máis complicado é o inicio pois en dous kilómetros subimos 240 m.

Nesta etapa pasaremos por varios miradores como o Cotarro, Cabezoas, Vilouxe, As Escadas  e  Pé do Home.

Nivel: Moderado  Distancia: 20 km. Desnivel positivo: 653 m.

O sábado 2 faremos partes das etapas 4 e 5 do Camiño do Monxe (eliminando os tramos menos interesantes)

O inicio será na Ermida da Virxe do Monte e descenderemos 13 km cara a Esgos pasando polo monasterio de San Pedro de Rocas. A partires de Esgos continuaremos 9 km en dirección ao mosterio Cisterciense de Santa María de Xunqueira de Espadañedo

Nivel: fácil     Distancia: 19 km. Desnivel positivo: 350 m.

Domingo 3 ruta faremos parte da ruta da Amargura promovida pola asociación Movete por Nogueira desde Luintra (Ribeira Sacra).

Dependendo das condicións climatolóxicas este plan pode sufrir algunha variación. Cando se acerquen as datas crearemos un grupo de whatsapp para concretar os últimos detalles.

Hai que levar auga e algo para comer en cada ruta.

Para inscribirse se mandou información aos socios por correo electrónico, se queres contactar co club  ou facerte socio/a podes mandar un correo electrónico a vintedouspes@gmail.com

15 de marzo 2026 segunda etapa de "A volta ao Barbanza"

Neste enlace está o track da ruta https://es.wikiloc.com/rutas-senderismo/capela-de-san-ramon-de-bealo-ponte-do-bealo-cima-castro-barbudo-fonte-ourille-lousame-254423761

O domingo 15 de marzo faremos a segunda etapa de "A volta ao Barbanza", Empezaremos na ermida de San Ramón de Bealo (Boiro) enlace de google maps: https://maps.app.goo.gl/JCJDAVTR5ZiDmQyb6 e remataremos no Museo das Minas de San Finx (Lousame)

Quedamos de punto de encontro:

En Boiro ás 9 menos 20 enfrente á tenda Aluzzine nunha marquesiña da Avenida da Constitución cercana á Casa da Cultura de Boiro (onde sempre)

Ou na ermida de San Ramón de Bealo ás 9 para empezar a andar.

En San Ramón veremos un petróglifo e iremos ata o río Beluso, iremos un tramo pola súa beira, e pasaremos polos lugares de Landeiras, miradoiro de Castro Barbudo (xa en Rianxo), Ourille, pola parte de arriba de Saramagoso (xa en Lousame), As Arribas, Bursó, Vilas, Silvarredonda e chegaremos ás minas de San Finx.

Nesta ruta hai tramos de camiños de montes, pistas de terra e case nada de asfalto.

 Dificultade media, é algo menos dura que a primeira etapa, a subida máis importante a teremos desde que deixamos o río Beluso ata chegar ao miradoiro Castro Barbudo. Distancia sobre 16,5 km. É dificil calcular o tempo que nos vai levar, depende do ritmo do grupo e de como esté o terreo,( máis ou menos esvaradizo ou con auga nos camiños), estimamos arredor de 6 horas.

Hai que levar calzado axeitado para andar pola montaña, pasaremos por algunhas zonas algo esvaradizas,  aconsellamos levar auga e algo para repoñer forzas e comer, bocadillo, froita, barriña enerxética ou froitos secos por exemplo.

 Como é unha ruta lineal vamos levar previamente ao inicio da ruta uns coches de voluntarios designados polo club ao punto final para cando rematemos a ruta levar a todos os participantes aos puntos de inicio (Boiro ou San Ramón de Bealo).