4ª etapa de "A volta ao Barbanza" o 25 de outubro

O domingo 25 de outubra faremos a 4ª etapa de "A volta ao Barbanza". Empezaremos na estrada que une Moimenta (Boiro) coa estación militar EVA10 (IROITE) zona chamada Casamea enlace de google maps: https://maps.app.goo.gl/TmQibHiJ6EuPcAMx7 e remataremos cerca de Montañó (Boiro), So poden vir socias/os do club.

Quedamos de punto de encontro:

En Boiro ás 9 menos 20 enfrente á tenda Aluzzine nunha marquesiña da Avenida da Constitución cercana á Casa da Cultura de Boiro (onde sempre)

Ou onde empeza a ruta (explicado anteriormente) ás 9 para empezar a andar.

Na primeira parte da ruta teremos -se o tempo o permite- boas vistas da ría de Muros e Noia e contra o final da ruta vistas da ría de Arousa. Veremos varias mámoas e dólmenes, Casota do Páramo, A Cavada, Pelouro, sendo o máis destacado "A Arca do Barbanza"  Este túmulo é o maior culto á morte da súa época. Os túmulos son a máxima expresión que chegou a nós das primeiras sociedades produtoras, que deciden levantar unhas robustas construcións para acoller o descanso eterno dos membros desas comunidades que perecen. Quizás un dos exemplos máis sobresalientes sexa a Arca do Barbanza, situada nas inmediacións do curso medio do Río Barbanza e que se mantén en relativo bo estado de conservación, apreciándose a cámara ou dolmen, que está formado por enormes lousas de granito, algunha delas supera as 7 toneladas de peso. Tratouse dunha obra colosal para a época o que suxire que se trataban de comunidades con grandes capacidades, non só construtivas senón tamén de cohesión social, que facilitaron a construción de magníficos exemplos do megalitismo (mega=grande, litos=pedra). Información facilitada na páxina de turismo do Concello de Boiro.

Empezaremos a andar subindo ata o monte Iroite -punto máis elevado da serra do Barbanza (687 m de altitude)- durante boa parte do percorrido percorreremos as Chans do Barbanza, onde andaremos cerca do inicio do río Barbanza e ao chegar á Portela baixaremos cara un punto cercano a Montañó.

Nesta ruta hai tramos de camiños de montes, pistas de terra e case nada de asfalto.

Dificultade media Distancia sobre 15,5 km. É dificil calcular o tempo que nos vai levar, depende do ritmo do grupo, estimamos arredor de 5 horas.

Hai que levar calzado axeitado para andar pola montaña, pasaremos por algunhas zonas algo esvaradizas,  aconsellamos levar auga e algo para repoñer forzas e comer, bocadillo pequeno, froita, barriña enerxética ou froitos secos por exemplo.

Como é unha ruta lineal vamos levar previamente ao inicio da ruta uns coches de voluntarios designados polo club ao punto final para cando rematemos a ruta levar a todos os participantes aos puntos de inicio (Boiro ou Casamea).

PARA PARTICIPAR É IMPRESCINDIBLE INSCRIBIRSE NO PRAZO ESTABLECIDO pois necesitamos sabelo para levar os coches necesarios ao punto final. Para inscribirte deberás contestar a este correo antes das 21 horas do venres 23 de outubro, indicando nome, apelidos e lugar onde te incorporas Boiro ou Casamea.

No caso de que te inscribas, o sábado 24 de outubro a partir das 16 horas deberás consultar o noso blog por se hai algún cambio de última hora.

O club organiza unha saída o 7 e 8 de novembro “outono nos bosques” por Allariz

POLO DE AGORA HAI PRAZAS

O club organiza unha saída o 7 e 8 de novembro “outono nos bosques” por Allariz.

So poden ir socios/as. Iremos en coches particulares, se algún non ten con quen ir pode contactar con nos e se lle buscará sitio. Faremos un grupo de whatsapp cos inscritos para concretar detalles de última hora e estar en contacto.

Estaremos aloxados no hostal Alarico e no caso de non coller todos aí tamén estaremos no hotel O Portelo rural, ambos no centro de Allariz. O coste de habitación doble é de 70 €, a habitación individual 50 €, e hai algunha triple na que poñen unha cama supletoria o coste é de 80 € (almorzo non incluído). Como club reservamos so a noite do sábado, se alguen quere coller máis noites reservará pola súa conta.

Plan previsto:

Sábado 7: cada coche se organiza como considere o punto de encontro será aparcamento xunto ao mosteiro das clarisas, diante da igrexa de San Bieito (Allariz)  ás 10 horas (hora de Galicia) para empezar a andar. Faremos a ruta do Canelar, sobre 15 km, circular e de dificultade media. Pasaremos por Roimelo, Fonte do Santo, Igrexa de San Salvado, Muíño da Cebola, Xugueiros e  Parque Portovello.

Domingo 8: faremos a RUTA DE AIRAVELLA (carballeiras) e a PADELA (acebos) pasando polo REXO  (espazo con pedras pintadas por Ibarrola, e fabrica de queixo de ovella) sobre 16 km, circular de dificultade media.

Este plan inicial pode sufrir algunha variación. Hai que levar algo de comida para comer nas rutas do sábado e domingo. A plan é cear xuntos o sábado pero polo de agora non está reservada. Concretaremos cando rematen as inscricións.

27 de setembro 2026 ruta "A volta á Illa de Arousa"

O domingo 27 de setembro faremos a ruta "A volta á Illa de Arousa".  só para socios/as. Iremos en coches particulares.

Ruta circular de 20 km. Dificultade baixa. Duración sobre 6 horas.

Puntos de encontro:

En Boiro, zona da Casa da Cultura, enfrente á tenda Aluzzine ás  8 e media.

En rotonda de Té Rianxo) ás  9 menos 20.

En rotonda de Repsol cerca de Catoira ás 9 menos 10.

Inicio da ruta ás 9 e media.Lugar de encontro na Illa no parking amplo que hai a esquerda na primeira rotonda despois de cruzar a ponte.

Breve descripción:
No comezo da andaina iremos polo parque natural do Carreirón, unha zona con de infinidade de calas e algún observatorio para divisar paxaros.
Seguiremos pola periferia ata chegar ó núcleo urbano, dende alí ascenderemos uns 70 metros ata o mirador "O Con do Forno" dende onde poderemos disfrutar dunhas fermosisimas vista da ría  que lle da nome á illa.

Pasando a transitar pola parte norte onde nos atopatemos co faro en Punta Cabalo.

Pinares e sendeiros acondicionados encauzaronnos de novo cara o cento urbán, o Porto do Xufre camiño do punto de partida, que será o remate.
Ruta tranquila para disfrutar dun pobo mariñeiro do Barbanza Vintedouspés.

Para inscribirse deberás contestar a este correo indicando nome, apelidos e lugar onde te incorporas antes das 22 horas do venres 25 de setembro.

 No caso de te inscribas o sábado 26 de setembro a partir das 16 horas deberás consultar o noso blog por se hai algún cambio de última hora.

10, 11 e 12 de outubro tres rutas polo Parque Nacional de Peneda Geres (Portugal)

O club organiza unha saída o 10, 11 e 12 de outubro (aproveitando o festivo do luns 12)  polo Parque Nacional de Peneda Geres (Portugal) -único parque nacional de Portugal-.

So poden ir socios/as. Iremos en coches particulares, se algún non ten con quen ir pode contactar con nos e se lle buscará sitio. Faremos un grupo de whatsapp cos inscritos para concretar detalles de última hora e estar en contacto.

Estaremos aloxados no hotel rural Vista Bela do Geres (Outeiro - Montalegre. O coste de habitación doble é de 85 € a noite co almorzo incluído, non teñen habitacións individuais, e o prezo que nos diron se alguén quere habitación individual sería tamén 85 € a noite co almorzo incluido.

Plan previsto:

Sábado: cada coche se organiza como considere o punto de encontro sería aparcamento do Santuario de Nosa Señora da Peneda o 10 de outubro ás 10 horas (hora de Galicia)  -ollo en Portugal é unha hora menos-  para empezar a andar. Faremos a ruta da Peneda, sobre 11 km, circular e de dificultade moderada. Ao rematar a ruta iremos cara ao hotel visitando algún sitio de interese que coincida de paso.

Domingo: tendo en conta suxestión da oficina de turismo faremos a ruta trilho do rio sobre 19 km, circular de dificultade moderada.

Luns: ruta pendente de determinar  cerca de Pitoes das Junias. E ao rematar a ruta volta para o Barbanza.

Este plan inicial pode sufrir algunha variación.

Hai que levar algo de comida para comer nas rutas do sábado, domingo e luns. As ceas polo de agora non están reservadas, no hotel onde se vai durmir hai posibilidade de cear. 

Para inscribirse hai que:

- Facer un ingreso de:

             85 € cada persoa que vaia para habitación doble.

             ou 170 € cada persoa que vaia para habitación individual.

na conta do club ES2520800310553000121101 (Abanca), deixando constancia no ingreso Peneda Geres 2026, o nome da persoa/parella ou grupo inscrita (o ingreso corresponde con 2 noites e almorzos no hotel Vista Bela do Geres).

 - Contestar a este correo electrónico indicando que é para inscribirse na saída de Peneda Geres 2026, nome e apelidos, con quen vas durmir e tipo de habitación que quere "habitación cunha cama de duas prazas", "habitación con dúas camas" ou "habitación individual", no caso de que non saiba con quen vai durmir o club asignaralle compañeiro/a, neste caso de non aparecer compañeiro e ter que durmir en habitación individual deberá pagar a posteriori a diferencia por habitación individual.

 O prazo para inscribirse remata o luns 31 de agosto ou cando se enchan as habitacións. Se tes alguna dúbida respecto a esta saída podes contactar con nos por correo electrónico ou teléfono. As prazas son limitadas.

 Saúdos do Club de Montaña do Barbanza Vintedouspés

6 de setembro faremos a ruta “penedos de Pasarela e Traba e chegaremos ata Camelle" (Costa da Morte). Será en autobús e aberta a non socios/as

O domingo 6 de setembro faremos a ruta “penedos de Pasarela e Traba e chegaremos ata Camelle”. Iremos en autobús e aberta a non socios/as e persoas sen federar, aos que se lles fai un seguro de día. Serán sobre 15 quilómetros, diicultade media.

Preciosa ruta de sendeirismo entre Pasarela e Camelle pasando pola  paisaxe protegida "Penedos de Pasarela e Traba". Ao chegar a Mórdomo continuamos a ruta polo tramo do Camiño dos Faros ata Camelle.

Puntos de encontro:

Avda da Constitución de Boiro, zona da Casa da Cultura, enfrente a tenda aluzine ás 8.

Diante do Mercadona de Noia ás 8 e 20.

O autobús non pode agardar pola xente, debedes estar 5 minutos antes da saída nos puntos de encontro.

Para inscribirse hai que:

- facer un ingreso:

12 € se eres socio do noso club e federado (o club subvenciona parte do coste).

15 € federados doutros clubs, deberán mostrar tarxeta federativa deste ano ao subir ao autobús (vale desde o mobil).

20 € non federados (nesa cantidade unha parte é para o seguro de día).

na conta do club ES2520800310553000121101 (Abanca), deixando constancia no ingreso ruta Penedos, o nome da persoa/parella ou grupo inscrita.

- mandar un correo electrónico vintedouspes@gmail.com indicando que é para inscribirse á ruta Penedos, nome e apelidos e lugar onde te incorporas, no caso de que non sexas federado para facer o seguro de día deberás indicar tamén teléfono, nº de dni, data de nacemento e enderezo completo.

O prazo para inscribirse remata o xoves 3 de setembro ás 11 horas. 

No caso de que te anotes, o sábado 5 de setembro a partir das 15 horas revisa o noso blog por se hai algún cambio de última hora. Se tes algunha dúbida podes contactar con nos.

Aconsellamos levar calzado axeitado para andar pola montaña, bocadillo ou algo similar para comer na ruta e auga. Tamén se pode levar unha mochila para deixar no autobús e mudarse ao chegar.

Información dos penedos de Pasarela e Traba feita por Turismo de Galicia

Admirados miradoiros son os catro cumes que rodean o val do Traba, aberto ao océano nun extenso areal con lagoa costeira incluída. Desde a praia, eles mesmos son unha das vistas panorámicas máis espectaculares da Costa da Morte (LIC). Pedra sobre pedra elévanse ata os 274 metros de altitude e proclaman o seu nome, segundo a forma ou a lenda con que a tradición os bautizou. A Pena dos Mouros, Pena Forcada, O Castelo e a Torre da Moa son os nomes dos catro picos que delimitan o espazo.

Podemos ascender a pé desde o lugar da Costa, na parroquia de Traba, ou mellor desde o sur, nun itinerario que comeza en Pasarela, parroquia de Calo. Aquí a imaxinación popular dotou de nomes descritivos as rochas máis singulares da paisaxe. A Cachucha, O Berrón, A Aguia, A Tartaruga, O Gardián son algún deles. Nos mesmos documentos legais que os protexen, fálase de escenario onírico creado pola acumulación de formas pétreas. Morfoloxías animais e humanas que en cada nova ollada poñen a proba a imaxinación. A parte do seu valor estético ou paisaxístico as formas teñen un enorme valor científico porque permiten coñecer cal foi a evolución da paisaxe.

8 de agosto ruta nocturna "Vilar - Campelo - Muralla (Rianxo)"

 Boas, o sábado 8 de agosto o Club de Montaña do Barbanza Vintedouspés organiza unha ruta nocturna "Vilar - Campelo - Muralla (Rianxo)" empezaremos a andar na aldea do Vilar, iremos cara Campelo e desde aí subiremos ao monte Muralla e voltaremos pola cresta ao punto de inicio, onde tomaremos un chocolate con rosca. Transcurre polo concello de Rianxo, ao ser nocturna iremos por pistas e camiños de terra en bo estado, teremos boas vistas da ría de Arousa e poderemos divisar Santiago de Compostela.

Aconsellamos -non é obrigatorio- levar por se acaso linterna - o máis cómodo é unha frontal para ter as mans libres- e chaleco ou algo reflectante. Ruta para socios/as.

Puntos de encontro son:

 En Boiro ás 21.30 horas na Avda da Constitución, diante da Casa da Cultura de Boiro.

 En rotonda de Te ás 21.40 horas.

  Ás 22 horas no punto de inicio da ruta, aldea de O Vilar https://maps.app.goo.gl/sBhhQn4LrJ88yieT9

 

Distancia a percorrer sobre 11 km. Dificultade fácil pero hai que ter en conta que teremos unha boa subida desde Campelo ata o alto de A Muralla.

 Para inscribirse deberás contestar a este correo indicando nome, apelidos e lugar onde te incorporas antes das 20 horas do xoves 6 de agosto.

 No caso de te inscribas o sábado 8 de agosto a partir das 11 horas deberás consultar o noso blog por se hai algún cambio de última hora.

Rutas previstas segundo semestre 2026 e Xabriña

Rutas previstas segundo semestre 2026. Este é un plan provisional, cando se acerquen as datas as iremos confirmando.

19 de xullo ruta do Xabriña (Covelo). Xa se mandou correo informando e está en prazo para inscribirse. Aberta a non socios e vamos en autobús.

8 de agosto ruta nocturna por A Muralla (Rianxo)r.

6 de setemro ruta “penedos de Pasarela e Traba”. En autobús e aberta a non socios.

27 de setembro “Volta á Illa de Arousa”.

10, 11 e 12 de outubro tres rutas por Peneda-Geres (Portugal).

14 e 15 de novembro “outono nos bosques” da zona de Allariz.

25 de outubro 4ª  etapa de “A volta ao Barbanza”.

29 de novembro 5ª etapa de “A volta ao Barbanza”

13 de decembro Ruta por O Termuzo (Serra de Outes).

O domingo 19 de xullo faremos a ruta do Xabriña. Sobre 17 quilómetros, dificultade media.

É unha ruta aberta a non socios/as e persoas sen federar, aos que se lle fai un seguro de día. Se tedes coñecidos que lles poda interesar podedes informarlles. Abrimos o prazo inscrición con bastante tempo de antelación ao ser aberta a non socios/as. Iremos en autobús.

Puntos de encontro:

Avda da Constitución de Boiro, zona da Casa da Cultura, enfrente a tenda aluzine ás 8.

Rotonda de Te (Rianxo) ás 8 e 10.

Rotonda gasolineira Repsol cerca de Catoira ás 8.20.

O autobús non pode agardar pola xente, debedes estar 5 minutos antes da saída nos puntos de encontro.

Se algún sae de Noia ou arredores podemos falar ca empresa de autobús por se poden incorporarse nesa zona contactade con nos para quedar.

Para inscribirse hai que:

- facer un ingreso:

12 € se eres socio do noso club e federado (o club subvenciona parte do coste).

15 € federados doutros clubs, deberán mostrar tarxeta federativa deste ano ao subir ao autobús (vale desde o mobil).

20 € non federados (nesa cantidade unha parte é para o seguro de día).

- mandar un correo electrónico a vintedouspes@gmail.com indicando que é para inscribirse á ruta do Xabriña, nome e apelidos e lugar onde te incorporas, no caso de que non sexas federado para facer o seguro de día deberás indicar tamén teléfono, nº de dni, data de nacemento e enderezo completo.

O prazo para inscribirse remata o xoves 16 de xullo ás 11 horas. No caso de que te anotes, o sábado 18 de xullo a partir das 15 horas revisa o noso blog por se hai algún cambio de última hora. Se tes algunha dúbida podes contactar con nos.

Aconsellamos levar calzado axeitado para andar pola montaña e non esvarar, bocadillo ou algo similar para comer na ruta e auga. Tamén se pode levar unha mochila para deixar no autobús e mudarse ao chegar.

Descrición da ruta feita por Turismo de Galicia

O río Xabriña, afluente do Tea, convértese no verdadeiro protagonista desta ruta circular que parte da parroquia de Paraños e que visita outros lugares como Prado de Canda e A Lamosa.

Ademais da exquisita vexetación que o camiño presenta nas súas marxes, ao longo del pódese gozar dunha extraordinaria riqueza etnográfica e cultural, xa que durante toda a ruta atopamos elementos de gran valor e en bo estado de conservación, como a igrexa parroquial de Paraños, varias cerarías antigas, coma o «Lagar da Cera» en Portocortiñas, case trinta muíños ao longo do río, camiños tradicionais, fontes, pasos de auga, e pontes coma a de Ponte Folón.

O seu deseño circular divídese en dous grandes aneis.

O primeiro percorre o río dende Paraños a través de frondosos bosques e ata Ponte Folón. O segundo anel, que visita Prado e A Lamosa, achéganos ao Miradoiro de Cotos da Bouza e a pequenas aldeas onde poderemos coñecer a actividade dos antigos artesáns que se dedicaban a traballar coa cera.

Ademais, en varios puntos do camiño encontraremos paneis que recollen poesías do poeta galego Uxío Novoneyra procedentes do seu libro titulado Os Eidos.

Máis información da ruta neste enlace da comunidade de montes de Paraños https://montesparanhos.com/ecoturismo-comunidad-montes-paranhos/ruta-do-xabrina/