SEGUIMOS CO PLAN PREVISTO
O domingo 19
de febreiro o Club de Montaña do Barbanza Vintedouspés fará a ruta das Penicias
e muiños de Buxan (Rois), é unha ruta fácil e ao rematar iremos comer o cocido
á de Benjamín en Vilachán. Vamos en coches particulares.
Puntos de
encontro:
ás 9 e media
en Boiro, diante da Casa da Cultura.
ás 9.40 en
Te - Rianxo
ás 10 no
punto de inicio da ruta, igrexa de San Mamede en Rois.
Hai que ser
puntuais, non se agarda por quen non esté.
Á comida ten
un coste por persoa de 30 €, será sobre
as 2, poden asistir todos os socios que queiran, vaian ou non á andaina, e os
socios que vaian á andaina poden ir ou non á comida.
Para
inscribirse hai que contestar a este correo electrónico indicando nome e
apelidos e poñer se te apuntas á andaina, á comida ou ás dúas cousas. No caso
de apuntarte para a comida deberás ingresar 30 € na conta do club
ES2520800310553000121101 (Abanca). En concepto indicar nome, apelidos e cocido,
tes de prazo ata o 7 de febreiro. Para apuntarse a andar hai de prazo ata o
sábado 18 de febreiro ás 14 horas.
Información
da ruta facilitada polo Concello de Rois:
O punto de
partida é a igrexa de San Mamede, que ten de particularidade que a súa torre
está situada na parte central da fachada, enriba da porta. Desde ela
dirixímonos cara a Infesta, aldea que atravesamos logo de cruzar a estrada. Á
saída podemos ver á esquerda do camiño a súa monumental fonte, con boa auga
para beber e refrescarse. Avanzamos acompañados polo murmurio que sae do río
Rois que flúe á nosa dereita e que nos vai acompañar un bo treito. Os
diferentes desvíos están sinalizados coa característica frecha amarela desta
ruta.
A uns 2 km o
carreiro desemboca nun camiño ancho que nos ofrece dúas opcións: seguir a ruta
á esquerda cara á Casa do Porto ou ben atallar de fronte para atravesar unha
ponte e regresar polo outro lado do regato. Recomendamos facer a ruta completa
polo indubidable atractivo dos seus contrastes, con todo, esta “media ruta” é
unha opción válida para os días que queiramos andar menos e gozar dun
percorrido entre bosques de arborado autóctono, con moita sobra e á beira do
río, oíndo correr a auga. En calquera caso, na ruta completa tamén se pasa por
esta fermosa paraxe.
Seguindo á
esquerda, aos 100 metros deixamos o camiño para coller un carreiro empinado que
nos subirá ata á Casa do Porto. Esta aldea, situada no alto e rodeada de
prados, regálanos vistas panorámicas espectaculares. Nela tamén podemos ver
unha eira con varios hórreos ou un cruceiro. Na saída hai outra fonte no chan,
un pouco antes do desvío cara a Buxán.
Despois de
varios desvíos sinalizados, o camiño desemboca na estrada, preto de Buxán. Ao
pasar a ponte e sen entrar na aldea, collemos un camiño á dereita que tras
áridas subidas e baixadas nos vai levar outra vez ao regato dos muíños, na zona
mencionada anteriormente. Este é un tramo de grande atractivo, cruzando o río e
camiñando xunto a el por pasarelas de madeira e corda.
Finalmente
chegamos á estrada inicial, atravesámola e xa preto da igrexa de San Mamede
dirixímonos a ela para finalizar a ruta.
Neste enlace
hai un vídeo da ruta https://youtu.be/Hv0kbRgl-ew
Se te
inscribes, o sábado 18 a partir das 18 horas revisa o noso blog http://vintedouspes.blogspot.com/ por se hai algún cambio de última hora.
Lembra que
as primeiras andainas de 25 km (con variantes de menos quilómetros) deste ano
son:
Noia 25 km:
12 Febreiro 2023 – inscricións https://trabandainas.com/andaina/
Marín 25 km:
26 Febrero 2023. Máis información https://25km.es/probas/
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
