25 e 26 de xullo: A Seara (Courel)

25 e 26 de xullo: viaxe a  A Seara - O Courel. Aloxarémonos no refuxio da Federación Galega de Montañismo que hai na Seara, este pobo aínda conserva o típico propio dunha aldea medieval, merece a pena facer un percorrido polas súas estreitas rúas. A boa conservación da estructura medieval da aldea, que aínda dispón de currunchos cunha rusticidade envilecida hoxe en día, permitiu que se realizaran nos últimos anos importantes labores de restauración.

Sairemos ás 7 da mañá de Boiro e iremos en coches particulares ata A Seara. Sobre as 10 chegaremos e ás 10.30 iniciaremos a ruta A Seara – lagoa de Lucenza – Pico Formigueros

Tratase dunha fermosa ruta circular que percorre unha parte dos lugares máis emblemáticos do Courel.

Partindo da aldea de A Seara, unha das máis encantadoras da serra, ascendemos por un bello sendero ata chegar á Fervenza do Fócaro, un dos saltos de agua máis atractivos da zona. Seguimos ascendiendo, cruzando por unha ponte de madeira o rego de Porto Mourelos, ata chegar á Lagoa da Lucenza, de orixe glaciar, un dos elementos naturales destacables da serra.

Dende aquí ascendemos ata a Campa da Lucenza e por pista chegamos ao desvío para o ascenso ao Pico Formigueiros (1640 m.), o máis elevado da serra.

Dende aquí, baixamos por camiños paralelos ao río Selmo ata chegar a A Seara, despoís de tomar unhas cervexas dirixímonos á fervenza de Vieiros por bonitos camiños de monte, e voltamos por estrada finalizando o percorrido circular de novo na aldea de A Seara.

Distancia: 14 km.

Duración: 6 horas

Dificultade: media

Cada un levará algo para comer no medio da ruta. A cea ser fará nun mesón que hai na Seara.

O domingo faremos a ruta circular Moreda – Devesa da Rogueira – Parada. Nesta fermosa ruta teremos a posibilidade de coñecer unha das xoias botánicas de galicia: "a Devesa da Rogueira", considerada por prestixiosas publicacións como "un dos mellores bosques da Península Ibérica", no que medran casi todas as especies de árbores, arbustos e flores do Courel.

Tamén percorreremos parte da serra con fermosos paisaxes de montaña, visitando o impresionante Mirador de Polín, a 1371 metros de altitud, dende o que se disfruta unha das mellores vistas de todo o Courel.

E por último, conoceremos algunhas das aldeas tradicionais máis típicas do Courel: Moreda e Parada, atravesando o impresionante souto de castiñeiros que a rodea e coñecendo onde viviron dous das figuras literarias máis relevantes de toda Galicia: os poetas Uxío Novoneyra  María Mariño.

Distancia:10,5 km

Duración estimada: 5 horas.

Dificultade: media

Cada un levará algo para comer no medio da ruta. Ao rematar a ruta emprenderemos o regreso ao Barbanza.

FOTOS DA RUTA A Seara – lagoa de Lucenza – Pico Formigueros E PASEO A FERVENZA DE VIEIROS

FOTOS DA RUTA DEVESA DA ROGUEIRA, MIRADOR DE POLÍN E PARADA

12 de xullo, circular por Campo Maneiro

Punto de encontro ás 8 da mañá en Campo Maneiro, xunto ao colexio Brea Segade (TARAGOÑA).
RUTA CON SAIDA DE CAMPO MANEIRO, QUE NOS LEVA POR A VOLTA DO CASTRO, PRETO DO CASTRO BARBUDO,OUTEIRO,AS TRAVESAS ATA O HORREO DE ARAÑO E VOLTAREMOS O PUNTO DE INICIO DISFRTUTAREMOS DUNHAS FERMOSAS VISTAS E PODEREMOS VER UN DOS HORREOS MAIS LONGOS DE GALICIA. Fixo de guía Mariano. Fixémolo en arredor de 4 horas.
Neste enlace está o track da ruta realizada http://es.wikiloc.com/wikiloc/view.do?id=4568100
Son sobre 17 km, no track figuran máis ao computar o traxecto en coche dende Rianxo

Nas dúas fotos seguintes hai que buscar as diferencias e explicalas en comentarios ;-)

Horreo de Araño, din que é o máis longo do mundo, 37 m, de tan longo que é non entrou na foto ;-)

Actividades de sendeirismo doutras entidades

- Goza do Ulla. Percorrido polos roteiros de sendeirismo dos concellos do Ulla. Máis información https://www.facebook.com/GozadoUlla e http://www.deportesdemonte.com/tag/goza-do-ulla/

- Andaina Campo Maneiro-Muralla-Castro Barbudo-Campo Maneiro. O servizo de deportes do Concello de Rianxo organiza unha andaina para o 4 DE XULLO. As inscricións poderán formalizarse na oficina de Deportes (981 86 63 81 - deportes@concelloderianxo.gal) ou no pavillón polideportivo de Rianxo (981 86 61 10) ata o venres 3 DE XULLO:

1.Punto de Encontro: Pavillón Polideportivo Taragoña (Campo Maneiro)

2. Saída: 8:30 h.

3. Lonxitude: 24 km.

4. Inscrición: gratuíta

5. Duración estimada: 6 horas

6. Dificultade: alta

21 de xuño - Pontes do Lérez (Forcarei)

21 de xuño: ruta as Pontes do Lerez (Forcarei). Como é unha ruta lineal desprazaremonos ata alí en autobús. Sairemos ás 8.20 de Boiro (onde sempre, diante da Casa da Cultura de Boiro), recolleremos aos de Rianxo na rotonda da autovía sobre as 8.35.

 A ruta son sobre 15 km, a dificultade é media. A ruta iniciase no mosteiro medieval cisterciense de Santa María de Aciveiro e percorre por sendas de pescadores as ribeiras do río Lérez ata a aldea de Gaxín. Na actualidade a súa igrexa é utilizada para o culto parroquial e as dependencias monacais foron obxecto de restauración e acollen un hotel. Tras visitarmos o mosteiro a ruta descende cara ao río, que nos acompañará ata a ponte medieval de Andón. A ruta abandona momentaneamente o río para se dirixir cara ao Pico Valiñas; unha mesta vexetación acompaña o sendeirista ata Ponte da Carballa, onde se recupera a compaña do río Lérez.

Dende este punto, e a través dunha espesa fraga, o vieiro ha levarnos dunha ribeira á outra cruzando as pontes do Crego, Maril, Ponte Vella e Nova de Forcarei, así coma a ponte medieval de Gomail, onde definitivamente se abandona o curso deste fermoso río e se ascende para alcanzar a aldea de Gaxín. Convén levar un bocata ou algo para comer, contamos estar de volta en Boiro sobre as 16 horas (pero pode haber variación na hora da chegada dependendo como vaia o grupo e como esté o sendeiro).
Neste enlace está o track da ruta http://es.wikiloc.com/wikiloc/view.do?id=1781262

APUNTOUSE XENTE SUFICIENTE PARA COLLER O AUTOBÚS E QUEDAN ALGUNHAS PRAZAS LIBRES, SE QUERE APUNTARSE ALGUEN MÁIS AÍNDA ESTÁ A TEMPO. Para apuntarse hai que ingresar antes do 19 de xuño na conta do club ES2520800310553000121101 (Abanca) 8 € (deixando constancia no ingreso o nome da persoa inscrita) e mandar un correo electrónico indicando que se fixo o ingreso para ruta pontes do Lérez e nome, apelidos e teléfono. Para participar é necesario estar federado en montañismo (para ter seguro de accidentes e rescate).

Chegaron as camisetas, nesta ruta as repartiremos, quen a pediu que traia 8 € para pagala.