13 de marzo sendas do Lérez e do Almofrei (Pontevedra)

O domingo 13 de marzo o Club de Montaña do Barbanza Vintedouspés fará a ruta sendas do rio Lérez e do rio Almofrei. Dficultade: facil. Serán arredor de 19 kilómetros.

Dinche algo as letras a l m o f r e i ?. A denominación do río está vinculada ao lugar e parroquia de Almofrei (Cotobade), que bañan as súas augas, de xeito que ben expresado o seu nome sería "río de Almofrei", o que é bastante característico na denominación de numerosos ríos menores. Á súa vez o nome da parroquia é de orixe xermánica dun posesor, seguramente altomedieval, con nome gótico latinizado,Ermaufredus, que polo xenitivo, Ermaufredi, pasou por evolución ao galego Almofrei.[Cómpre referencia]

Outros autores falan dunha orixe árabe da palabra,[1] que conservaría en galego o significado de funda na que se leva a cama de viaxe.[2]

Puntos de encontro: ás 8 e 10 diante da Casa da Cultura de Boiro e ás 8 e media na rotonda que hai á saida da autovía do Barbanza en dirección a Catoira. Deixaremos os coches en Pontevedra, a carón dunha ponte peonil sobre o rio Lérez (marxe esquerdo) que hai cerca da ponte dos Tirantes e sobre as 9 empezaremos a ruta seguindo a marxe esquerdo do Lérez ata Bora onde percorreremos parte da senda do río Almofrei, volveremos a Bora e acercámonos a unha ponte medieval situada en Ponte Bora, sobre o Almofrei, atopamos esta xoia medieval de cantería, dun só van e dous arcos apuntados, moitas veces reconstruída dende a Idade Media. Ademais da propia ponte, a calzada empedrada, un cruceiro e un peto de ánimas constitúen un conxunto de gran valor patrimonial, ao que hai que engadir o histórico, xa que nela se pagaba o foro de entrada a Pontevedra.  e seguiremos o marxe dereito do Lérez ata Pontevedra.
Máis ou menos seguimos este track http://es.wikiloc.com/wikiloc/view.do?id=11744092