Tres días de sendeirismo pola Ribeira Sacra. 29, 30 de abril e 1 de maio

trintaecincocorazóns sentiron a ribeira sacra con vintedouspés

vintedous miradoiros

vintedous rios

vintedous verdes

vintedous bicas

vintedous castiñeiroscasimilenarios

vintedous pratos

vintedous mosteiros

vintedous miradas

vintedous subidas

vintedous bicos

vintedous palabras

vintedous chuvieiras

vintedous cucos

vintedous silencios

vintedous apertas

vintedous chistes

vintedous cervexas

vintedous alfombras

vintedous ventás
vintedous olores

vintedous sorrisos

vintedous restaurantes

vintedous fotos

vintedous estrelas

vintedous gargalladas

vintedous camas

vintedous sons

vintedous impresionantes

vintedous ......................

vintedous ......................

vintedous ......................

vintedous pés.

RUTA DO CANON DO RÍO MAO (sábado 29 de abril)

Esta ruta circular do Concello de Parada de Sil, é unha das máis atractivas da Ribeira Sacra.A ruta percorre o Canón do río Mao, dende San Lourenzo ata a ponte romana de Conceliñas, aproveitando a canle abandonada da antiga central hidroeléctrica. Este tramo discorre no seu maior parte pola propia canle, que percorre o canón a media ladeira cunha pendente moi suave. Atoparemos as tumbas antropomórficas de San Vitor, escavadas na roca, muíños e a ponte romana de Conceliñas.

O resto do percorrido, xa aloxándonos do canón, discorre por camiños de carro, con muros a ambos os dous lados, atravesando carballeiras e pasteiros, e con boas vistas do Canón do Sil en varios puntos. Visitaremos os núcleos de Forcas e A Miranda, pobos de montaña ben conservados e regresaremos a San Lourenzo.

Seguimos a ruta oficial PR-G 177 Ruta do Canón do Río Mao, do Consorcio de Turismo Ribeira Sacra. 15,92 km. Circular. https://es.wikiloc.com/wikiloc/view.do?id=10201821

CANÓN DO SIL-SANTA CRISTINA (domingo 30 de abril)

Esta ruta circular, empeza e termina na Praza do Barquilleiro, no pobo de Parada de Sil. Debido á proximidade da Praza do Barquilleiro e Fondo de Vila, pódese dividir a ruta en dous tramos tamén circulares mediante unha variante.  Isto permite reducir o percorrido á metade.

O carreiro transcorre maioritariamente por camiños de carro, entre muros, que percorren a paisaxe do borde do canón, entre unha abundante vexetación onde predominan os carballos e os castiñeiros.

Boa parte do percorrido realízase de maneira paralela ao Río Sil, e atoparemos varios miradoiros no percorrido, o que nos permitirá gozar das espectaculares vistas, e dos tradicionais viñedos dispostos nas paredes do canón.

Un dos puntos máis interesantes do percorrido é o mosteiro de Santa Cristina, que se atopa escondido no medio dun souto de castiñeiros. Pódese visitar todo o ano, aínda que a igrexa só está aberta no verán e algúns fins de semana.

Seguimos a ruta oficial, pero en sentido contrario, PR-G 98 Canón do Sil - Santa Cristina de Consorcio Turismo 17,64 km. https://es.wikiloc.com/wikiloc/view.do?id=5654077

RUTA DE MAQUINO LARGAÑO (luns 1º de maio)

Este percorrido circular iníciase no pobo de Luíntra, capital do Concello de Nogueira de Ramuín. O percorrido resulta moi variado nas paisaxes, pasando por carballeiras, bosques de bidueiros, leiras e poboacións. A ruta discorre principalmente por camiños e pistas de terra entre arboredo, con pendentes suaves. Visitaremos varios pobos do municipio, as mámoas de Moura, o Mosteiro de Santo Estevo de Ribas de Sil e un tramo do canón do Sil pertencente á Rede Natura.

Seguimos a ruta oficial PR-G 178 Ruta de Maquino Largaño.14,77 km, circular https://es.wikiloc.com/wikiloc/view.do?id=10153320

As fotos son de Paco, Eduardo e Domingo. Neste enlace (pinchado nas carpetas) tedes máis fotos de Eduardo e Domingo https://drive.google.com/drive/folders/0B8xJbscwa56VeURlWjkydXdHUkk

A información das rutas foi facilitado polo Consorcio de Turismo da Ribeira Sacra

9 de abril - bordeando a Illa de Arousa

O Club de Montaña do Barbanza Vintedouspés organiza o domingo 9 de abril a ruta "Bordeando a Illa de Arousa". Está aberta a non federados.

A ruta son 24 km completamente chans rodeando A Illa por todo litoral. Dificultade: fácil.

Quedamos ás 9 en Boiro (diante de marquesiña que hai na Avda. da Constitución á altura da Casa da Cultura), ás 9:15 no aparcamento do Día en Catoira e ás 10 no aparcamento que hai a man esquerda nada máis cruzar a ponte de A Illa.

Se sae de aí en dirección a O Carreirón, unha zona virxe que forma parte do complexo de humedais Ons - Grove. Por esta zona non poden ir cans, nin atados, así que si alguén quere levalo ten dúas opcións, ou agarda na entrada unha hora, e se perde a parte máis bonita da ruta, ou deixa o can unha hora no coche porque se volve polo mesmo sitio.

Desde alí se sigue por unha zona bastante salvaxe ata chegar ao pobo onde faremos unha parada para a cervexa. Seguimos ata a punta do faro e volvemos a pasar polo pobo pero polo outro lado onde comeremos o bocata (cada un leva o seu) se o tempo o permite (se a alguén se lle fai a ruta longa aí pode atallar 4 km). A partir de aquí entramos na zona máis urbanizada, unha vez pasado o porto se colle unha pista paralela á estrada e ás praias ata o punto de saída.

Tempo estimado 6 h con comida, se vai mal día se acurtar.

Na ruta apoiamos a proposta medioambiental "coge3".

Neste enlace está o track da ruta realizada https://es.wikiloc.com/wikiloc/view.do?id=17171293

As fotos son de Paco 

Parabéns aos nosos socios Concha e Moncho

Parabéns a Concha e Moncho polo trofeo acadado ao participar en 6 probas da Copa Galega de Andainas de 50 km no 2016, organizado pola Federación Galega de Montañismo.

Andaina de Guláns (Ponteareas) - 1ª proba da Copa Galega de Andainas de Media Distancia

OLLO!!!! a noite do sábado 25 para o domingo 26 hai cambio de hora, ás 2 hai que poñer que son as 3.  

Vamos a ir algúns socios do club á andaina de Guláns (1ª proba da Copa Galega de Andainas de Media Distancia), xa o informamos anteriormente (haí que inscribirse e pagar previamente, data límite 22 de marzo ás 24h  http://www.gulans.com/andaina15/), 

Quen queira vir con nos desde Boiro (ou rotonda do Te en Rianxo), quedamos ás 6.55 diante da Casa da Cultura de Boiro (onde sempre). 

Dos que están anotados, quen queira vir con nos deberá contactar no teléfono 609 071 273 (Moncho) para quedar e organizar os coches (compartiremos os gastos do coche)  

Aconsellamos -a quen as teña- levar camiseta do noso club.