12 de outubro: Boiro - Neixón

Se sae de diante da Casa da Cultura de Boiro (marquesina Avda da Constitución) ás 9 cara a Boliña.Cruzase o núcleo e hai unha pequena pero intensa subida para coller varias pistas por piñeirais. Sobre o Qm 5 chegase a Cubeliños onde está petroglifo das cabras e un cruceiro "tipo de Loreto"(o que sepa por qué se chama así que o conte). Despois vaise por carretera dirección a Neixón todo pola costa, collense máis camiños por piñeirais e chegase ao castro.Dende alí siguese por pistas e pasase por debaixo da autovía. Vaise un tramo á beira do río Grande. Percorremos uns 200 m pola estrada comarcal ac305 e collemos o sendeiro que vai paralelo ao río Brea. Antes de chegar a San Ramón collemos un desvío en dirección a Xiao, subida por carretera para volver a coller sendeiros por piñeirais ata Treito de arriba e dende alí a Sandrenzo onde volvemos a coller algo de asfalto,1 Qm. Collemos outro camiño polo monte que nos lleva á entrada do polígono empresarial de Boiro e dende alí baixada á Casa da Cultura.
Ruta circular de arredor de 18 Qm de dificultade media. Fixo de guía Loreto
Neste enlace está o track da ruta http://es.wikiloc.com/wikiloc/view.do?id=8011128

actividades doutras entidades

25 de outubro, ruta do magosto no Courel, máis información http://www.fontedomilagro.org/index.php/12-news/latest-news/152-ruta-do-magosto

Andaina da Castaña de Parada do Sil, 8 de novembro. Máis información http://www.ribeirasacracm.org/base/galego/VIIIandainaC14.php

II Carreira Popular Toffe Concello De Rianxo (1 do 11 do 2014). Neste enlace tes máis información http://emesports.es/project/carreira-popular-toffe-concello-de-rianxo/

Sábado 27 de setembro, O Concello de Negreira organiza andaina popular de Negreira. 25 Qm., prazo de inscrición ata o 26, telf. 981 885 886.

21 de setembro, Rianxo - Monte das Cercas

Monte das Cercas

PUNTOS DE ENCONTRO ÁS 20.30 HORAS DIANTE DA CASA DA CULTURA DE BOIRO E ÁS 8.45 DIANTE DO INSTITUTO FELIX MURIEL DE RIANXO.

RUTA QUE SAE DENDE O INSTITUTO FELIX MURIEL DE RIANXO SEGUE POLA ANTIGUA CANTEIRA DE RIANXIÑO ATA A CAPELA DE SAN PEDRO CRUZAMOS AUTOVIA E SEGUE PARALELA PASANDO POLO CAMPO DE FUTBOL DE ASADOS ATA O MONTE DAS CERCAS ONDE HAI UNHA MAMOA E UNHA PAISAXE DO RIO ULLA MOI FERMOSA, SEGUE POR POLO CAMIÑO DO ANTIGO MIRADOR DA FORESTAL, ONDE DISFRUTAMOS DUNHA VISTA FERMOSA SOBRE A RIA DE AROUSA SEGUIMOS ATA MEIQUIZ E CABANAS, SAIREMOS PERTO DO IES DE RIANXIÑO E VOLTAREMOS AO PUNTO DE PARTIDA.

TEN UNHA LONXITUDE APROXIMADA DE 18 Qm, UNHA PEQUENA PARTE POR ASFALTO. DIFICULTADE MEDIA. LEVOUNOS 4,5 HORAS. Guiou Moncho.
Neste enlace está o track da ruta http://es.wikiloc.com/wikiloc/view.do?id=2458994

Mantis relixiosa

Mamoa do Campillo

Ponte do Ave sobre o Ulla

Illa de Cortegada

Ermida de S. Pedro

ESTE DOMINGO ESTABA PREVISTO FACER A RUTA DAS PONTES DO LEREZ, PERO AO PREPARALA VIMOS ALGÚN SITIO CON CERTO PERIGO PARA PASAR, ASÍ QUE DECIDIMOS POSPOÑELA PARA OUTRA OCASIÓN.

Actividades de sendeirismo doutras entidades

A 4ª edición do Camiño dos faros (Costa da Morte) empeza o domingo 31 de agosto cunha etapa de 22 km. Máis información nestes enlaces:
http://www.caminodosfaros.com/
https://www.facebook.com/events/1539456622943041

TÁLLARA - LOUSAME: camiño do mercado. Domingo 7 de setembro de 10 a 13 horas. Información e inscricións 634 70 11 35

17 de agosto: Obre - San Lois - Portosín

O domingo 17 de agosto o Club de Montaña do Barbanza Vintedouspés fixo a ruta circular Obre - San Lois - Portosín, Os puntos de encontro foron ás 8 e media en Boiro - diante da Casa da Cultura e ás 9 en Obre - na esplanada que hai diante de Bacalaos Ferro.

Frron sobre 17 km, dificultade media, os seis primeiros kilómetros son duros, duración estimada 4 horas.

Dende Obre subiremos ao monte San Lois polo camiño Real, baixaremos a Camboño, e despois dirixirémonos ao monte que hai por riba de Portosín, baixaremos ata o porto e Portosín e voltaremos ao Obre polas praias de Gaivotas, Pardinas, Boa e Testal.

Fixeron de guías Mariola, Favi e Manoli.

Neste enlace está o track da ruta http://es.wikiloc.com/wikiloc/view.do?id=7593162

Neste enlace de coge3 sobre esta saída https://www.facebook.com/coge3/posts/1520518018182529

Perfil da etapa

actividades de sendeirismo doutras entidades

O grupo de sendeirismo do Centro Cultural de Taragoña organiza unha ruta de sendeirismo nocturna o sábado 12 de xullo de arredor de 13 Qm. O punto de saída é diante do Centrro Cultural de Taragoña - Campo de Pazos (Taragoña) ás 10 da noite.

*********************************************

O Concello de Rianxo organiza andaina nocturna circular o venres 18 de xullo, que discorre polo término municipal de Rianxo. Percorre as parroquias de Rianxo, Taragoña e Asados.
Vai dirixida a adultos, podendo participar menores de entre 12 e 18 anos (de 12 a 14 é obrigatorio que vaian acompañados dun adulto).
A andaina partirá da praza Castelao as 22:30 h.  para completar un percorrido circular de aproximadamente 15 km.  de nivel medio/baixo.
A inscrición será gratuíta e poderá formalizarse nos pavillóns polideportivos e no Servizo de Deportes (deportes@concelloderianxo.es).
Mais información e inscricións no Servizo de Deportes do Concello de Rianxo (981.86.63.81).


                                   *********************************************

O Concello de Boiro (Turismo) organiza no verán 8 rutas de sendeirismo, 
Cada ruta ten unha cota de inscrición de 2.50 euros. Poden anotarse na Oficina de 
Turismo de Boiro, no mail turismo@boiro.org ou no teléfono 981842654

20 de xullo Carballeira de San Martiño - Castro Lupario (Faramello)

Puntos de encontro ás 8.15 diante da Casa da Cultura de Boiro e ás 9 na Carballeira Parada de Francos-Capela de San Martiño (Faramello)

Ruta circular, lonxitude 16 Qm, tempo estimado 4 horas, dificultade moderada

A saída é na Carballeira de Francos (Parada de Francos ou Capela de S. Martiño) fomos por pistas de montes e leiras ata chegar ás aldeas de Chave de Carballo e Vidaloiso.

Chegamos ás beiras do rio Sar e fomos un bo tramo a carón del (está moi socio e da mal olor, é unha pena, Quen é o responsable de que esté así?), seguimos por monte e carballeira ata chegar a área recreativa de Chave da Ponte, como queda na mitade da ruta fixemos unha parada e picamos algo.

Seguimos camiñando ata monte Buxán, onde atopamos o castro Lupario, en moi mal estado de conservación, aínda se aprecian algúns círculos e parapetos, cando estabamos nel a Raiña Lupa mandounos algo de auga ;-)     . Baixamos á aldea Angueira de Castro cas súas casas señoriais e as parras das viñas enriba das rúas.

Chegamos ao rio Tinto e vamos a chegar ao fermosísimo pazo do Faramello, está un pouco agochado, pero vale a pena.

Seguiremos polo rio e máis adiante estivemos nunha pequena ponte medieval e rematamos a ruta pasando pola aldea de Parada de Francos e veremos a súa igrex (San Martiño) e o seu cruceiro gótico.

Fixeron de guías Juan e Puri.

Neste enlace esta o track da ruta http://es.wikiloc.com/wikiloc/view.do?id=7077969

Gústanos que os participantes comentes cousas sobre a ruta (pinchas en comentarios e tecleas o texto que desexes)

Juan e Puri prepararonnos unha sorpresa; Tivemos que buscar algo en relación a un poema que leron de Rosalía de Castro

Campanas de Bastabales,

cando vos oio tocar,

mórrome de soidades.

Cando vos oio tocar,

campaniñas, campaniñas,

sin querer torno a chorar.

Cando de lonxe vos oio,

penso que por min chamades

e das entrañas me doio.

Dóiome de dór ferida,

que antes tiña vida enteira

e hoxe teño media vida.

Só media me deixaron

os que de aló me trouxeron,

os que de aló me roubaron.

Non me roubaron, traidores,

¡ai!, uns amores toliños,

¡ai!, uns toliños amores.

Que os amores xa fuxiron,

as soidades viñeron...

De pena me consumiron.

Campanas de Bastabales,

cando vos oio tocar,

mórrome de soidades.