martes, 28 de mayo de 2013

2 de xuño ruta do monte Pindo, Fieiro - A Moa


Ruta circular polo Monte Pindo

Puntos de encontro ás 8.30 diante da Casa da Cultura de Boiro ou ás 8.50 diante da estación de autobuses de Noia (enfrente ao Mercadona de Noia). Desde Boiro ata Fieiro leva arredor de 1 hora.
Kilómetros aproximados: 11 (pero como é unha ruta de media montaña contade como se foran o dobre de kilómetros). Duración: sobre 5 horas e media (sen contar o desprazamento en coche). Dificultade: alta.

Deixamos os coches en Fieiro (cerca da presa do Xallas) (291 metros de altitude) e iniciamos a ruta de andar con dirección ao Penafiel, descendendo ata 174 metros de altitude e despois empezamos a subir, a continuación dirixirémonos á cova da Xoana (475 m de altitude), posteriormente iremos ata o Guerreiro ou Xigante (conxunto de pedras con esa forma), despois ascendemos á Moa (629 m de altitude) contra o mediodía se fixo unha parada para comer e de sobremesa como en principio a ruta ía ser o día das letras galegas, limos unhas poesías e chegamos a Fieiro sobre as 4 da tarde.
As fotos son de Paco
Neste enlace está a ruta máis ou menos que fixemos coas seguintes variacións, non ascendimos ao pico Peñafiel e baixamos un pouco cara a igrexa para ver a figura do guerreiro e outros grupos de pedras. http://es.wikiloc.com/wikiloc/view.do?id=3550640
Algunha das poesías lidas:

O PINDO (César Antonio Molina)
O pasado sen teito está nese lugar.
O temor non desterrado ó descoñecido.
Procuramo-la bóveda nun frío mencer
ou nun entardecer sanguiñolento,
ata ser soamente sombras.
E que é o tempo senón
ese espazo escuro da luz
onde se despenan
estas rochas esculpidas polas tormentas,
mentres nos chaman as ruínas dos séculos.

****************************************************
 A ROSALIA CASTRO (Xosé María Brea Segade 1904-1934)
¿onde estas Rosalia? Eu quixera
encontrarche soiña,soiña
e contarche o sentir que tivera
tan soio ó oido ca voz mui baixiña.
Eu quixera encontrarche
mais buscara en vano a nai dos poetas,
corazon de amor.
¡Ai ...¡ fuxeu coma os ventos
que lonxe a levaron
da terra galega
a mais linda frol.
Ouh ¡ si vida tiveras, nai miña,
de loureiros e olivos fixera
unha alegre coroa e feitiña
sobre da túa testa contento a puxera
           taragoña 1918
Encoro do Xallas

Na base do Peñafiel




Peñafiel


Ascendendo á Cova da Xoana

Cova da Xoana

Dende a Cova da Xoana


Cova da Xoana








Foto de  MONTE PINDO (USC)
Moa





















lunes, 27 de mayo de 2013

actividades doutras entidades

O próximo sábado 1 de xuño celébrase na Pobra a II carreira solidaria do barbanza e a Carreira da muller.Máis información na páxina  apobradeportes.com

jueves, 9 de mayo de 2013

26 de maio sendeirismo e teatro ao aire libre en Toxosoutos


O domingo comezámolo no Mosteiro de Toxosoutos cunha ruta de 10kms para maiores que transcorreu polas parroquias de San Xusto e Lesende. Carballeiras, camiños de carro, de pescadores, o entorno do mosteiro cas dúas fervenzas foi o que nos atopamos neste percorrido, así como unha estupenda vista da ría dende o alto dun cortalumes. O rematar tivemos o primeiro pase da obra de teatro titulada "A Traizón" a cargo dos Quiquilláns.

Para os pequenos e acompañantes a mañá comezou cun taller de monicreques, onde cada un fixo o seu. Logo de presentalos, xa que tamén lle puxemos, nome saímos a camiñar. A ruta foi de 4kms escasos. O percorrido tivo partes en común co dos maiores. Cando chegamos de volta o mosteiro e despois de repor forzas nun pequeno avituallamento subimos a fervenza de arriba para facer un xogo de pesca con canas. Xa rematado o que nos quedaba por ver era a obra de teatro que foi do gusto de todos.

Como neste día tivemos varias actividades e a xente fixo bastantes fotos decidimos que se fixera unha recompilación de todas ou case todas, así que as fotos están na Casa da Cultura de Lousame. Si queredes aportar as vosas ou pedir que vos las graven nun CD ou pen preguntade por Edu, que gustosamente vos atenderá. 981825780.

Dende Vintedouspés damos as grazas ao Concello de Lousame por facer posible xuntar sendeirismo con actividades para nenos e teatro na rúa.

Grazas tamén aos que mandachedes fotos.

Ata a próxima









lunes, 29 de abril de 2013

actividades de sendeirismo doutras entidades

O Concello de Rianxo organiza 2 actividades de sendeirismo: o 25 de maio dirixido a adultos Rio Pedras - A Portela, 22 km, e o 1 de xuño dirixido a maiores de 50 anos e 3ª idade sendeiro fluvial de Catoira e Torres do Oeste sobre 5 km. Máis información http://www.concelloderianxo.es/deportes/-/blogs/andainas-rio-pedras-a-pobra-e-sendeiro-fluvial-de-catoira

Sábado 4 de maio: ruta de sendeirismo San Ramón de Bealo - San Finx, organizado polos concellos de Boiro (Departamento de Turismo) e Lousame (Departamento de Deportes). Para inscribirse chamar ao Concello de Boiro ou de Lousame. 12 km. · 3 €. (esta ruta estaba prevista para Semana Santa pero polo mal tempo aprazouse)

Sábado 18 de maio: multiactividade que inclue sendeirismo organizado pola Voz de Galicia e Concello de Lousame. Máis información:http://www.lavozdegalicia.es/noticia/barbanza/2013/04/20/voz-convoca-millar-personas-descubrir-tesoros-naturales-barbanza/0003_201304B20C5991.htm

Sábado 18 de maio andaina de 50 km en Allariz. Máis información no Concello de Allariz

martes, 9 de abril de 2013

28 de abril: Catoira - Xiabre


O domingo 28 de abril fixemos a ruta Catoira - Xiabre - Catoira, é unha ruta circular que parte de Tras da Veiga (Catoira) e ascende ata pico do monte Xiabre. Os puntos de encontro foron ás 8.30 diante da Casa da Cultura de Boiro e ás 9 no inicio dunha rúa que vai a Tras da Veiga (Catoira) que se inicia entre o Centro de Saúde de Catoira e o bar Campo Subido, para chegar aí se vas desde o Barbanza hai que ir a Catoira e coller dirección Vilagarcía e despois de pasar diante da Casa do Concello de Catoira, antes de que remate Catoira hai unha rotonda, deberíase darlle a volta a toda a rotonda e xusto onde finaliza (como se estiveramos para volver cara o Barbanza) se inicia esa rúa.

A ruta é de dificultade media-alta, son arredor de 21 kilómetros, e a ruta de andar levounos arredor de 5 e media horas. Partimos do lugar de Tras da Veiga que está a 30 metros de altitude e ascendemos ata o pico do monte Xiabre (640 metros de altitude), os últimos metros foron duros subindo polo cortalume, descendemos ata Tras da Veiga por camiños, pistas e pola beira dos regos Cibrán e Catoira. Tivemos bo día e poidemos disfrutar de boas vistas da ría de Arousa e do Ulla.
No alto do Xiabre fixemos unha parada para repoñer forzas e picar algo, pero facía un aire moi frio.
Está a ruta en wikiloc http://es.wikiloc.com/wikiloc/view.do?id=4383553








As fotos son de Paco




sábado, 6 de abril de 2013

Sábado 13 de abril andaina Bisbarra do Sar

Ola o sábado 13 de abril hai a andaina Bisbarra do Sar, en Padrón, son 50 km, en 2 aneis de 26 e 24 km.
Máis información en http://andainabisbarradosar.blogspot.com.es/

lunes, 25 de marzo de 2013

7 de abril, Variante Castelo de Vitres e Chans do Barbanza


Puntos de encontro ás 9 diante da Casa da Cultura de Boiro e ás 9 .15 en Escobias (cerca de Mosquete - Boiro).
Ruta: Variante de Castelo de Vitres e Chans do Barbanza. Kilómetros aproximados: 13. Duración prevista: 4 horas. Dificultade: media-alta.
Deixamos os coches en Escobias, cerca de Mosquete (Boiro), empezamos a andar ata Mosquete onde collemos rumbo cara o Castelo de Vitres por un camiño distinto ao habitual con bonitas vistas da ría, pero resultou que o único que se viu foi a neboa que nos acompañou case todo o tempo, levabamos a ruta no GPS senón sería imposible orientarse, foi unha ascensión pequena pero dura, con bastante pendiente, por este tramo a ruta é de dificultade media - alta, o resto da ruta é de dificultade moderada, despois seguimos ascendendo pero con menos pendiente, cruzando o rego Pequeno, pasando por Porteliña e Braña de Leis, chegando cerca da aldea da Figueira, cambiamos o sentido da marcha cruzando as Chans do Barbanza, ata aqui a ruta foi máis ou menos ben con neboa e chuvia pero sin frio, en cambio ao cruzar as Chans o frio aumentou e a chuvia tamén, foi a ruta de Vintedouspés na que máis frio se pasou e eso que estamos a principios de abril, se souperamos que iamos pasar tanto frio nas Chans cambiariamos o plan e en vez de facer as Chans iríamos por outro sitio, fomos por Campo dos cregos, Fieiteiro e a Portela, descendemos cruzando o rego da Portela, por unha pista que nos levou directo a Escobias, neste descenso variamos a ruta prevista, acortamos a baixada, para chegar antes ao coche pois estábamos non sei se todos pero si bastantes destemplados, algúns ata a tarde non entramos en calor. De altitudes partimos de 230 metros en Escobias e o punto máis alto é a Porteliña que está a 574 metros, o punto máis baixo da ruta está contra o final da ruta a 167.
Despois de 2 anos e medio facendo rutas volvemos a ser como o primeiro día, fomos vintedouspés os que realizamos a ruta, neste caso tamén houbo 4 patas pois acompañounos Rus.
Unha empresa está analizando a conveniencia de crear un parque eólico na zona da Porteliña, hai un anemómetro de moita altura colocado e coa néboa nin o vimos. Haberá que repetir outro día a ruta para disfrutar desa zona antes de que empecen a instalar os muiños de vento.
As fotos son de Paco.

Temos esta ruta descargada en wikiloc, nela podedes apreciar tamén o perfil.
http://es.wikiloc.com/wikiloc/view.do?id=4238192